Zbulohen trailer-i dhe aftësitë e Aphelios në League of Legends

Aphelios është kampioni më i vështirë dhe më i veçantë që Riot ka krijuar ndonjëherë

Lojtarët e League of Legends u surprizuan kur Riot zbuloi kampionin e ri që do të vinte në League of Legends, pasi erdhi shumë pak kohë pas lançimit të Senna në 10 nëntor. Tashmë, trailer-i i ri na jep më shumë mundësi të njohim Aphelios, Weapon of the Faithful.

Twitter-i i League of Legends zbuloi sot një trailer, i cili shfaq gjithashtu çdo armë mistike në arsenalin e Aphelios.

Trailer-i fillon me Aphelios që kollitet pasi ha lulen e rrallë helmuese noctum, e cila i bën Targonians të mos ndiejnë asgjë përveç dhimbjes. Më pas, Aphelios dëgjon zërin e Alune, motrës së tij binjake, brenda mendjes së tij. “Kaq shumë armë, Aphelios,” – thotë Alune, – “më vdekjeprurësja është besimi yt“.

Riot tha se do të jetë shumë i vështirë për t’u mësuar dhe kjo vihet re dhe nga aftësitë e tij. Aphelios ka pesë armë, secila me basic attacks dhe efektet e saja. Ai ka vetëm 3 abilities, Q, W dhe R dhe mund të mbajë dy armë gjatë gjithë kohës. Ai sulmon me armën e tij kryesore, por mund të përdorë armën e tij dytësore duke shtypur W.

Aphelios nuk mund të zgjedhë armën që do të përdorë. Secila prej armëve ka 50 plumba dhe Aphelios kalon automatikisht te arma tjetër në rradhë, ndërkohë që arma e boshatisur kalon në fund të rradhës për t’u karikuar. Rradha e armëve do të ndryshojë në bazë të armës që përdor fillimisht.

Për sa i përket aftësive, ai ka teknikisht vetëm 2: Q dhe Ultimate. Secila prej 5 armëve ka një Q të veçantë kur përdoret si arma kryesore. Në varësi të armës, Aphelios bën heal, slow, poke, wave clear ose mund të vendosë një turretë që godet kundërshtarët me armën dytësore.

Secila prej armëve ka cooldown individual, që do të thotë se mund të përdorësh Q me një armë, ta ndërrosh dhe të përdorësh sërish Q. Aphelios ka gjithashtu një HUD të veçantë që të ndihmon të shohësh cooldown-et e çdo arme.

Ultimate i Aphelios, Moonlight Vigil, hedh një bombë e cila shpërthen kur godet një kampion kundërshtar dhe gjithashtu dëmton dhe kampionët rreth e qark. Më pas, Aphelios mund të gjuajë kundërshtarët që preken nga shpërthimi me auto attacks më të forta nga arma kryesore.

Gjithashtu, Aphelios nuk mund të bëjë level up aftësitë e tij, por vetëm stats si Attack Damage, Attack Speed dhe Bonus Armor Penetration. Ka kaq shumë mënyra se si mund të luhet ky kampion, sa do të ishte më mirë të lexoni artikullin e Riot për Aphelios. Mendoni se keni mjaftueshëm kohë për ta mësuar këtë kampion?