Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Jhin, Karma dhe Shaco marrin të tre skin-et e tyre të reja
Riot Games ka zbuluar 3 skine të reja si pjesë e linjës Dark Star në update-in e fundit të PBE-së së League of Legends.
Gjysma e universit alternativ Event Horizon, linja Dark Star i rikrijon kampjonët e League of Legends si qënie të fuqishme kozmike që i falen perendisë Dark Star. Me stilin e tyre vërtet tërheqës, nuk është aspak çudi që kjo linjë është ndër më populloret e lojës.
Tani, është rradha e tre kampionëve të rinj për t’u bërë pjesë e saj. Jhin, Karma dhe Shaco do të marrin të gjithë trajtimin Dark Star në patch-in e ardhshëm të lojës.
Ai që bie menjëherë në sy është skini i Jhin, i cili është i pari i kësaj linje që nuk ka titullin Dark Star, por quhet në fakt Dark Cosmic Jhin.
Pjesa më e bukur e këtij skin-i është efekti mahnitës i R-së së Jhin, Curtain Call. Koni i kësaj aftësie shpalos një sfond magjepsës hapsinor, ndërkohë që goditjet e tij fluturojnë si yje që bien. Fatmirësisht, për ata që mendojnë se kjo e ngarkon shumë hartën, vetëm Jhin do e shikojë efektin e plotë, ndërsa lojtarët e tjerë do të shohin një version më të lehtë të tij.
Skin-i i ri i Shaco-s e nxjerr tashmë kampionin nga “klubi 1000 ditësh“, pjesë e të cilit janë kampionat që nuk kanë marrë asnjë skin të ri në mbi 1000 ditë. Klubi ka tani 16 kampionë, ndërkohë që shumë të tjerë janë afër bërjes pjesë në grup.
Të tre skin-et kanë efekte të errëta kozmike e gjithashtu recall-e unike, duke i dhënë çdo aspekti të kampionëve tematikën Dark Star.
Skin-et e reja i bashkohen Cho’Gath, Jarvan IV, Kha’Zix, Orianna, Thresh dhe Varus në linjën Dark Star. Riot Games ende nuk ka zbuluar një datë zyrtare ose një çmim zyrtar për skin-et e reja, por duket se ato do të jenë 1350RP ose 1820RP, çmim të cilen pritet ta ketë vetëm skin-i i Jhin.
