Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjatë Gamescom 2019 një trailer i ri i gameplay-it të Need for Speed: Heat u tregua për publikun. Videoja tregonte makinat, opsionet e personalizimit dhe rikthimin e policave. Gjithsesi kur ikën ndonjëherë policat?
NFS: Heat do të ketë opsione të ndryshme të gameplay-it përgjatë ditës dhe përgjatë natës. Gjatë ditës ju do të fitoni para në gara të ligjshme. Sado që policia do të jetë ende rrugëve në tentativë për t’ju ndaluar, është nata ajo ku gjërat bëhen vërtet fantastike. Garat e jashtëligjshme do ju japin mundësi të rrisni reputacionin, por edhe policia do të jetë më këmbëngulëse këtu.
Sa më shumë të rritet ‘heat’-i juaj, aq më fort do të përpiqen ata që t’u ndalojnë. Vendet sekrete dhe garazhet janë objektiva juaj kryesore, duke ju dhënë deri diku edhe një ndjesi arratisjeje si ajo e GTA.
Multiplayer-i AllDrive do të aktivizohet në Need for Speed: Heat që në lançim dhe garat që i përkasin grupit tuaj, do të shfaqen në garazh, që të mund të shikoni progresin e tyre dhe se çfarë makinash janë duke përdorur.
Krahas personalizimit të makinës suaj, do të mund të personalizoni edhe me avatar-in tuaj përkatës, duke e veshur sipas preferencave tuaja.
Historia e EA me Need for Speed përgjatë viteve është pak e trazuar. Nuk e dimë se si do të ecë koncepti i këtij viti, por me sa kemi parë deri tani, duket sikur EA po përpiqet të bëjë më shumë se ç’mundet.
Të paktën këtë vit nuk do të kemi loot boxes. Këtë gjë e ka siguruar Ben Walke, menaxheri i komunitetit të lojës, duke u shprehur: “Nuk ka loot boxes në Need for Speed Heat dhe nuk do të ketë.”
Gjithsesi është ende herët për të përcaktuar një të ardhme për lojën ose drejtimin që ajo mund të marrë. Need for Speed: Heat do të lançohet në 8 nëntor për PC, PS4 dhe Xbox One.
