Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në faqen e IMBD së The Witcher është shtuar një emër i ri. Ai është Tristan Ruggeri dhe do të luajë Geralt of Rivia në fëmijërinë e tij. Siç është thënë dhe nga krijuesit, seriali që do të vijë në fund të këtij viti në Netflix është i bazuar më së shumti në librat e autorit Polak Andrzej Sapkowski dhe jo në videolojërat nga CD Projekt Red.
Fakti që seriali do të bazohet në romanet e Sapkowskit do të thotë që do të kemi më shumë histori të personazheve tanë të preferuar të shpalosen me më shumë detaje. Sado që në trailer pamë se do të kishim të trajtuar historinë e origjinës së Yennefer, ky emër i ri në kastin e serialit na lë të nënkuptojmë që gjithashtu do të zbulojmë më shumë mbi të shkuarën e Geralt.
Për tu bërë një Witcher, kandidatët merren që kur janë fëmijë dhe i nënshtrohen një stërvitjeje shumë intensive. Gjasat janë që me përfshirjen e këtij aktori do të shohim skenat se si Geralt of Rivia u bë legjenda që është sot.
Nëse kujtojmë Trial of the Grasses, Witchers-at e vegjël duhet të pijnë disa përbërës alkimikë të njohur si “the grasses” të cilët të vendosin në dhimbje të tmerrshme ku vetëm tre nga dhjetë fëmijë i mbijetojnë. Ata që ja dalin përfundojnë duke u bërë shumë të fortë, të shpejtë dhe ju ndryshojnë sytë në përshtatshmëri me të qenurit Witcher. Pra nuk do të jetë një skenë shumë e lehtë për tu parë, praktikisht shtatë fëmijë do të vdesin përpara ekranit.
Për Ruggeri ky është roli i tij i parë. Ai do i bashkohet kastit që përfshin Henry Cavill si Geralt of Rivia, Freya Allen si Ciri, Anya Chalotra si Yennefer dhe Jodhi May si Queen Calanthe.
Netflix ende nuk e ka bërë publike datën e premierës së serialit, por e dimë se do të jetë një sezon me tetë episode dhe se do të vijë nga fundi i 2019s.
