The Legend of Zelda: Link’s Awakening merr një trailer të ri gameplay

Remaster-i më cute ndonjëherë!

The Legend of Zelda është një nga seritë më të famshme. Është një seri e cila gjithmonë i lë fansat entuziastë dhe në pritje, qoftë për një bashkëpunim me një studio indie, një lojë të re në seri ose një remaster i lojërave më të pëlqyera. Ndërkohë, Nintendo është ai lloj zhvilluesi që t’i jep të gjitha këto në një Nintendo Direct të vetëm, duke i gëzuar fansat pamasë.

The Legend of Zelda: Link’s Awakening u prezantua më herët këtë vit me një gameplay trailer të adhurueshëm i cili na tregoi animimet chibi të lojës që padyshim i bënë fansat të çmenden. Tashmë, kemi një tjetër trailer të ri gameplay që na tregon disa zona të tjera si dhe disa veçori të palajmëruara më parë.

Trailer-i na shfaq Link në bregun e ishullit Koholint para se Marin ta marrë atë në shtëpinë e saj. Shohim brendësinë e shtëpisë dhe gjithashtu pak më shumë pamje të botës së sipërme me Link që po pret barin. Gjithashtu shohim dhe disa përbindësha.

Duket si një ringjalle totale e gameplay-t në Game Boy-n origjinal dhe fansat padyshim që janë të kënaqur nga gameplay autentik i kombinuar me disa veçori të reja.

Një prej këtyre veçorive ju jepet nga Dampe nga Ocarina of Time, i cili i tregon lojtarëve si të krijoni dungeons. Po, ashtu si në Super Mario MAker 2, lojtari mund të krijojë dungeon-et e veta dhe me shumë mundësi t’i shpërndajë online me të tjerët.

Kjo është padyshim një shtesë mjaft e mirë në lojë, gjë e cila padyshim që do të zgjasë jetëgjatësinë e lojës, duke parë se versioni për Game Boy është vërtet i shkurtër. Një veçori mjaft e mirë e cila do t’i japë mundësi lojtarëve të krijojnë disa eksperienca vërtet interesante, në qoftë se mjetet e punës do ta lejojnë këtë.