Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
A do ia kalojë Ghost of Tsushima?
The Last of Us 2 është tashmë loja ekskluzive me shitjet më të shpejta nga një studio e brendshme.
Shefi i marketingut të PlayStation Worldwide, Eric Lempel, e bëri të ditur lajmin në një postim në PlayStation Blog. Ai zbuloi se kapitulli i ardhshëm në historinë post-apokaliptike të Naughty Dog, kishte kaluar më shumë se katër milionë kopje të shitura. Kjo vetëm në fundjavën e parë të shitjeve të lojës, gjatë datave 19-21 qershor.
“Jemi pafund mirënjohës për miliona fansa rreth e qark botës që e kanë luajtur The Last of Us 2 dhe kanë ndarë eksperiencat e tyre me ne përgjatë javës së fundit,” tha drejtori krijues Neil Druckmann në një mesazh të shkurtër për lojtarët.
“Vendosëm të tregojmë një tjetër lloj historie, një histori që përballet me tematika të vështira dhe që do ju sfidojë në mënyra të papritura. Kur dëgjojmë se si historia ka ndikuar mbi ju dhe të gjitha diskutimet që ajo ka ndezur, mbetemi vërtet pa fjalë.”
Duke u bërë loja ekskluzive me shitjet më të shpejta në PS4, The Last of Us 2 automatikisht ka kaluar emra si God of War, Horizon Zero Dawn, Spider-Man PS4 dhe vetë Uncharted 4 të Naughty Dog.
Loja tjetër e madhe që pritet të vijë në PS4 është Ghost of Tsushima, në datë 17 korrik. Duke qenë se ajo nuk qëndron si vazhdimi i një serie tashmë shumë të dashur mes lojtarëve, dyshojmë se mund ta kalojë atë shifër shitjes, por vetëm koha do na e tregojë.
