Tfue shpjegon pse mendon se Fortnite do të marrë fund në Season 11

Streamer-i i Fortnite nuk ka më shumë shpresa për lojën.

Turner ‘Tfue’ Tenney është padyshim një nga streamer-at më të famshëm të Fortnite në botë, por lojtari është i shqetësuar se Season 11 mund të jetë fundi për lojën battle royale të Epic dhe për dominancën e saj në industrinë e gaming.

Fortnite pati pikën e saj më të lartë të popullaritetit në shtator të 2017s dhe që nga ajo pikë ka mbetur një nga lojërat më të famshme dhe më të luajtura në botë. Çdo ditë me miliona lojtarë futen për të luftuar për një Victory Royale.

Zhvilluesi Epic Games fatkeqësisht ka marrë disa vendime jo shumë të mira për lojën, mbi të të gjitha gjatë Season 10 me prezantimin e mekanikave si B.R.U.T.E mechs ose cross-platform skill-based matchmaking. Kur streamer-i u pyet për Season 11, ai e bëri të qartë që mendon se do të jetë një pikë shumë kritike për Fortnite.

Gjatë stream-it të tij në datë 3 tetor, Tfue u pyet se sa i rëndësishëm mendonte se ishte Season 11 për të ardhmen e Fortnite dhe përgjigjja që ai dha ishte shumë e sinqertë.

“Sa i rëndësishëm mendoj se është Season 11 për të ardhmen e Fortnite?” Lexoi 21 vjeçari nga chat-i i tij. “Season 11 do i vërë vulën. Season 11 do të sjellë një hartë të re dhe loja do të vdesë. Ka për ta shpifur, por kështu ka për të ndodhur. Thjesht po ju vë në dijeni.”

Për Tfue, që ka fituar shumë turnamente të Fortnite esports bashkë me shokët e tij dhe është konsideruar kohët e fundit si streamer-i më i madh i Fortnite në Twitch, të thotë që mendon se Season 11 do të jetë fundii Fortnite, tregon realisht se sa i acaruar është me stadin e tanishëm të lojës.

Pas një pushimi nga të bërit stream në shtator, Tfue u kthye dhe menjëherë filloi të ankohej për aim assist. Që nga ajo pikë ai është kritikuar edhe nga Tyler ‘Ninja‘ Blevins për opinionin e tij ndaj lojës.

Season 11 i Fortnite është programuar për të filluar në 14 tetor, por është e qartë që Tfue nuk është aspak i emocionuar për këtë.