Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më në fund Steam Library i ri është afër nesh, pasi Valve ka konfirmuar se ndryshimet që do ti bëhen do të vijnë në public beta në datë 17 shtator. Display i ri dhe i modifikuar ka si qëllim t’ju japë më shumë arsye për tu rikthyer në lojërat që tashmë keni dhe gjithashtu sjell edhe shumë veçori të reja për të organizuar më mirë librarinë tuaj.
Tashmë ajo do të ketë një front page që tregon të gjitha lojërat që ju ose miqtë tuaj kanë luajtur kohët e fundit. Në të njejtën kohë do të tregojë edhe lojërat që janë duke organizuar evente. Kjo e fundit është pjesë e sistemit të eventeve të Steam, për të cilin Valve ka folur në prezantimet e të shkuarës.
Alden Kroll i Valve shprehet se: “ky rimodelim është ndërtuar që ti ndihmojë lojtarët të gjejnë lojën e ardhshme që duan të luajnë.” Pra me pak fjalë do ju tregojë lojëra të cilat preferoni ti luani.
Ende do të keni mundësinë të vizitoni listën e plotë të lojërave që keni ose ta organizoni librarinë tuajë në mënyrë manuale. ‘Categories’ do të zëvendësohen me ‘collections’ dhe grupet tuaja të reja do të lëvizin automatikisht me sistemin e ri. Mund ti bëni drag and drop lojërave mes koleksioneve të reja dhe edhe mund të krijoni collections-at tuaja personale.
Këto të fundit do të shfaqen në faqen e librarisë suaj si ‘shelves’, e cila mund të organizohet në bazë të kritereve si data e lançimit, orët e luajtura ose pikët që loja ka marrë në Metacritic. Ato gjithashtu do të shfaqen në kolonën e zakonshme të lojërave në të majtë të faqes, ashtu siç funksionojnë momentalisht kategoritë.
Edhe faqet e vetë lojërave do të marrin ndryshimin e tyre. Do të shikoni të gjitha eventet në faqen kryesore dhe pastaj aktivitetin e miqve tuaj në to. Në anën e djathtë të faqes ju do të vini re një përmbledhje të të gjitha achievements që keni fituar, screenshoteve që keni bërë dhe items-ave nga Steam Workshop që janë të disponueshme.
Ju do të mund të luani me këtë dizajn të ri të Steam Library kur ajo të vijë në public beta në 17 shtator.
