Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mr.Stark, we don’t feel so good…
Pak pasi u kurorëzua si Iron Man-i i rradhës në filmin Spider-Man: Far From Home, prezenca e Spider-Man në Marvel Cinematic Universe duket se ka ardhur drejt fundit. Disney dhe Sony nuk mund të arrinin në një marrveshje për të mbajtur presidentin e Marvel, Kevin Feige, të përfshirë në filmat e ardhshëm të Spider-Man.
Marvel Studios fillimisht nuk ka patur të drejta mbi Spider-Man kur e filloi MCU në 2008 me Iron Man. Ishte Sony kompania që kishte të drejtat eksluzive të personazhit dhe po e mbante atë në universin e tij. Gjithsesi pas zhgënjimit financiar të The Amazing Spider-Man 2, Sony dhe Marvel arritën në një marrëveshje që praktikisht do e ndanin së bashku si personazh.
Pas paraqitjes së tij në Avengers: Infinity War dhe Avengers: Endgame, filmi Spider-man: Far From Home që doli këtë verë e bëri atë një personazh kyç për vazhdimin e rrjedhës së ngjarjeve në MCU, duke e vënë atë si pasardhësin e Tony Stark.
Gjithsesi Kevin Feige nuk do të merret me dy filmat e tjerë që janë planifikuar për Spider-Man me Tom Holland. Kjo do të thotë që ato nuk do të kenë më asnjë lloj lidhjeje me eventet që kanë ndodhur ose do të ndodhin në MCU.
Sipas raportimeve Disney kërkonte në ndarje 50-50 të fitimeve financiare për filmat e ardhshëm të Spider-Man, por Sony nuk pranoi. Në këtë pikë Sony e ka pranuar që Kevin Feige është shumë i vlefshëm për këtë personazh, por Disney thjesht po kërkon më shumë se ç’duhet.
Një ndarje e tillë me probabilitetin më të madh do e zhdukte plotësisht Spider-Man nga rrjedha e ngjarjeve të Marvel Cinematic Universe. Ajo që është edhe më interesante është se Sony ende dëshiron që Spider-Man të qëndrojë në MCU, por është Disney ai që nuk është i hapur për negociata.
Mbrëmjen e të martës, Sony deklaroi se ishte i zhgënjyer nga kërkesa e Disney për të marrë një pjesë aq të madhe të fitimeve të Spider-Man dhe propozimit të tij për mospërfshirjen e Feige në filmat e ardhshëm.
“Shumë nga lajmet e sotshme për Spider-Man kanë sjellë keqkuptime mbi përfshirjen e Kevin Feige në këto filma. Ne jemi të zhgënjyer, por e respektojmë vendimin e Disney për të mos e patur më atë si producent në filmin e ardhshëm të Spider-Man.”
“Ne shpresojmë që kjo gjë të mund të ndryshojë në të ardhmen, por e kuptojmë se me të gjitha përgjegjsitë e reja që Disney i ka dhënë, koha nuk mhafton për të punuar me një projekt që as nuk e zotërojnë ata.”
Gjërat në këtë pikë janë aq të komplikuara sa do ishte fare më e thjeshtë sikur Stan Lee të mos e kishte shitur fare te Sony si personazh që në fillim. Gjithsesi sado që kjo mosmarrëveshje mes Sony dhe Disney nuk është ende zyrtare, nuk duket se ndonjë nga palët ka ndërmend të lëshojë pe.
Sinqerisht, nuk e di se si mund të qëndrojë Spider-Man i veçuar nga MCU. Shumë nyje do të mbeten të pambyllura dhe një shkëputje e tillë do të ishte e dëmshme për të dyja palët. Gjithsesi mbetet të shohim se si do të vijojë situata mes Sony dhe Disney mbi të ardhmen e këtij personazhi.
