Sony mund të ketë vënë në test gamers me këtë njoftim të PS5

Na ndajnë vetëm pak ditë nga eventi i shumëpritur i zbulimit të PlayStation 5. Adresa zyrtare e PlayStation në Twitter postoi një video në 29 maj, duke e njoftuar zyrtarisht atë dhe diçka në video i habiti fansat.

Controlleri i ri i PS5, DualSense, është një shkëputje interesante nga DualShock që fansat janë mësuar të përdorin për PS2, PS3 dhe PS4. Kur Sony zbuloi DualSense muajin e shkuar, fansat u shokuan kur panë një controller me dy tone ngjyrash bardh e zi, pasi në tre gjeneratat e mëparëshme ishin mësuar me ngjyrën e zezë. Gjithsesi, në videon që Sony postoi për të zbuluar eventin, u vu në pikëpyetje nëse Sony do të vazhdonte me tonalitetin e dy ngjyrave apo jo.

Editimet e fansave të një varianti plotësisht të zi të DualSense filluan të qarkullonin gjithandej pas këtij njoftimi. Kjo është pjesa interesante në fakt, sepse controlleri në njoftim duket më shumë si versioni i edituar i fansave se sa ai që ka zbuluar Sony.

Varianti bardh e zi i DualSense ka qenë burimi i shumë diskutimeve dhe memeve nga fansat, përtej kritikave që duket shumë si controlleri i Xbox. Disa janë fansa të dizajnit të ri, por regimi i përgjithshëm është goxha i miksuar.

Një teori sugjeron se controlleri me dy ngjyra ishte thjesht një test, që Sony të shikonte se si do të reagonte audienca e saj nëse do e ndryshonte ngjyrën e controller-it standart të zi.  Cilido qoftë rasti fansat do të duhet të presin deri në 4 qershor, për të parë se çfarë do të ofrojë Sony.