Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjoba vjen pas praktikave të padrejta të biznesit lidhur me shitjet e konsolave Playstation 4.
Sony është gjobitur me 2 milion euro nga autoritetet italiane për praktika të padrejta të biznesit lidhur me shitjen e konsolave Playstation 4. Lajmi bëhet i ditur nga buletini javor i autoriteteve italiane.
Autoritetet vunë re se nene të caktuara të ligjeve italiane janë shkelur, duke shtuar se praktika të tilla ndikojnë direkt te përdoruesi duke i dhënë blerësve informacion të pamjaftueshëm mbi tipare të veçanta të konsolës. Specifikisht, lidhur me nevojën për t’u abonuar në Playstation Plus në mënyrë që të luajnë multiplayer online në Playstation 4 dhe lojrat e saj, duke përfshirë ato të blera në Playstation Store.
Gjithashtu, ato vunë në dukje se kjo praktikë ka përfshirë një numër të madh blerësish. Gjithashtu, u vu në dukje se kjo praktikë është përdorur për një kohë të gjatë, specifikisht që nga lançimi i Playstation 4 në Nëntor të 2013.
Gjoba prej 2 milion eurosh duhet të paguhet brenda 30 ditësh nga ky njoftim. Pas kalimit të kësaj periudhe, Sony duhet të paguajë një interes të caktuar mbi gjobën. Por, mbase më e rëndësishmja është fakti se brënda 90 ditësh, Sony duhet të bëjë të qartë në kutitë e Playstation 4 se blerësit duhet të abonohen në Playstation Plus në mënyrë që të kenë mundësi të luajnë online.
Në qoftë se Sony nuk i bindet këtyre sanksioneve, ata mund të gjobiten me 10 mijë deri në 5 milion euro. Pas disa mosbindjeve, autoritetet gjithashtu mund të pezullojnë aktivitetin e Sonyt për deri në 30 ditë. Sony do të ketë mundësi të apelojë vendimin brenda 60 ditëve.
