Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas shkrimtarëve të lojës, Borderlands 3 nuk do të jetë e fundit e serive të saj, kur të vijë në PS4, Xbox One dhe PC muajin e ardhshëm. Sado që shumë linja historike do të mbyllen do të kemi edhe hapjen e shumë të rejave. Gearbox po tenton që të japë një përmbyllje të kësaj sage dhe historive që kanë nisur në seritë e mëparëshme, por jo ti japë fundin botës ose personazheve të saj.
Gjatë një interviste, Danny Homan dhe Sam Winkler, shkrimtarët drejtues të Borderlands, ju dhanë të dhëna fansave se çfarë duhet të presin nga seritë e lojës në të ardhmen. Sipas Winkler, Borderlands 3 është një pasardhës i denjë për të gjitha lojërat, të paktën në raport me historinë e saj, sepse fillon pikërisht aty ku e lanë lojërat e mëparëshme.
“Përgjatë historisë së saj 30 orëshe loja do të mbyllë dhe do të hapë situata të reja që do të sjellin ngjarje të pa para më parë. Kjo është pikërisht arsyeja pse loja absolutisht nuk është fundi i Borderlands në asnjë lloj mënyre.”
Homan më pas shtoi se “gjithmonë ka hapësirë për më shumë histori në Borderlands.” Më tej shkrimtari hodhi shenja se Borderlands 3 do të lërë hapësirë për edhe më shumë histori të tjera. Sipas Winkler këto histori do të jenë të lidhura me të vjetrat.
Siç mund ta kuptoni edhe vetë, situata është ende pak e paqartë për momentin, sepse me shumë mundësi plani për seritë e ardhshme të lojës është ende i papërfunduar. Gjithsesi Borderlands 3 nuk do të jetë fundi i lojërave dhe fansat bashkë me shkrimtarët janë shumë të lumtur për këtë.
Borderlands 3 do të jetë e disponueshme për PS4, Xbox One dhe PC, kur të lançohet në 13 shtator.
