Shikoni një nga vrasjet më spektakolare në PUBG ndonjëherë

Jason Bourne ka ardhur në PUBG

PlayerUnknown Battlegrounds nuk është ajo lloj loje që i lejon shpesh vrasjet e pike. Këtë e themi në krahasim me disa shooters-a të tjerë… khëm Apex Legends. Gjithsesi, një lojtar ka vendosur që të bëjë një nga manovrat më të lezetshme që kemi parë ndonjëherë në klipet e lojës.

Ishte FOXposure, një përdorues i Reddit që postoi një video të lojës, ku absolutisht i shkatërroi të gjithë lojtarët e tjerë. Lëvizjet e tij në klip duken sikur i ke shkëputur nga ndonjë film i Jason Bourne.

Lojtari kërcen nga çatia, rrotullohet në ajër dhe në një farë mënyre ja del të ulet afër një dritareje aty pranë. Më pas ai kapërcen parvazin e dritares dhe masakron të gjithë lojtarët që ishin brenda. Duhet pranuar që momenti i aksionit në kat të dytë nuk është ndër më të mirët, por të gjithë e dimë se Jason Bourne ja thotë më shumë për të bërë manovra se sa për të përdorur armët.

Nuk është shumë e qartë se përse lojtari rrotullohet në ajër kur kërcen në fillim, por po hamendësojmë se kjo është e vetmja mënyrë për të zbritur te parvazi i dritares pa rënë. Cilido qoftë rasti, është e qartë që kjo manovër është bërë me qëllim, gjë që e bën të gjithë situatën shumë herë më mbreslënëse.

Siç mund ta dini Sezoni i 4 i PUBG erdhi live në lojë muajin e shkuar dhe së fundmi mori dhe update-in e tij të fundit që solli ndryshime dinamike të motit në Erangel. PUBG është e disponueshme për PS4, Xbox One, PC dhe mobile.

Përsa i përket PUBG Mobile pastaj, një leak doli përpara disa ditësh, ku mendohej të ishte zbuluar çdo gjë e re që do të vinte në Sezonin e 8. Klikoni linkun këtu për ti hedhur një sy.