Shawn Layden shpjegon vendimin e Sony-t për t’u tërhequr nga E3 2019

Drejtori i Sony jep detaje mbi vendimin e kompanisë.

Ka kohë që Sony nuk ka dhënë detaje mbi planet e saj të së ardhmes, ku lajmi më i fundit ka qenë vendimi për t’u tërhequr nga Electronic Entertaniment Expo 2019. Kompania ka qenë një prej kontribuesëve dhe tërheqësve më të mëdhenj të panairit që prej fillimit, por këtë vit ata nuk do të marrin pjesë. Pse? Këtë ka vendosur t’a shpjegojë një prej drejtorëve më të lartë të Sony dhe Playstation, Shawn Layden. Edhe pse ai ka bërë më herët publik qëndrimin e kompanisë mbi E3, në një tjetër intervistë ai vendos të shpjegojë më në detaje vendimin.

Gjatë kësaj interviste mbi E3, Layden shpjegon sesi panairi më herët përdorej për tregëti; shitës dhe gazetarë dyndeshin për në Los Angeles për të mësuar rreth lojërave të reja në fushën që ata mbulonin. Por tanimë, Sony ka panairin e tij gjatë muajit shkurt, të titulluar Destination Playstation, i cili informon shitësit mbi planet e kompanisë për platformën gjatë vitit. Për sa i përket medias gaming, internet ka ulur impaktin e raportimeve nga E3. Me fjalë të tjera “Panairi është bërë një panair tregtie por pa tregti. Bota ka ndryshuar, por E3 është ende mbrapa“.

Një tjetër argument që ngre Layden është se Sony thjesht nuk do të krijojë pritshmëri të kota kur kompania është duke u fokusuar në lançimin e më pak lojërave, por me kualitet më të lartë. “Dhe me vendimin tonë për të zhvilluar lojëra më të pakëta dhe më të mëdha për periudha më të gjata kohore, jemi në një pikë ku në korrik të 2019 nuk kemi asgje të re për të thënë. Në qoftë se ne bëhemi pjesë e E3, njerëzit do të vijnë me mendimin se ne do t’ju tregojmë atyre diçka të re“.

Duket sikur gjithçka ka kuptim. Edhe pse ne shpresojmë që Sony ka plane për prezantime të mundshme para publikut gjatë pjesës së mbetur të vitit, gjithçka ngelet ende për t’u parë.