Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjithsesi loja nuk është nga zhvilluesit e Total War.
Për pak javë do të kemi Gamescom 2019 dhe le të themi se këtë vit do të ketë shumë gjëra që mund të presim nga evenimenti. Krahas faktit që në të do të jenë prezent edhe Sony dhe Microsoft, për tu përballur për herë të parë këtë vit, ka edhe gjëra të tjera interesante që po zbulohen me kalimin e kohës.
Sot, Sega njoftoi se gjatë Gamescom 2019 do të njoftojë një lojë AAA dhe sado që nuk ja kemi shumë idenë se cila mund të jetë, dimë se nuk është një lojë e Creative Assembly. Në një konferencë për shtyp kompania u shpreh se: “Vizitorët e Gamescom do të shohin nga afër një lojë të re AAA që ende nuk është zbuluar për publikun.”
Ja vlen të përmendim se Sega është një nga zhvilluesit që do të dalë në natën hapëse të Gamescom 2019, ndaj mund të presim që kjo lojë të njoftohet në datë 19 gusht.
Pasi ky lajm i erdhi në subreddit-in e Total War, menaxherja e komunitetit, Grace Carroll, konfirmoi se kjo lojë nuk do të ishte e Creative Assembly. Kjo përjashton nga mundësia një lojë të re të Total War dhe teorinë e një IP të re të Creative Assembly.
Katalogu i Sega është mjafti gjerë këto kohë dhe këtu përfshihet gjithçka, që nga Sonic the Hedgehog dhe Yakuza e deri në Down of War dhe Company of Heroes. Pra ka shumë lojëra në lojë dhe kjo është pa marrë parasysh mundësinë e një IP të re.
Gjëra të tjera që dimë nga Gamescom deri më tani është që nuk do të shohim Elden Ring ose ndonjë gjë tjetër nga Blizzard aty. Përsa i përket gjërave që do të shohim, mbetet ti zbulojmë kur ajo të fillojë në datë 20 gusht.
