Publikuesi i GTA konfirmon se po punohet për disa lojëra të mëdha

A mund të jetë GTA 6 një prej tyre?

Lojtarët e GTA 5 po vazhdojnë të qarkullojnë në rrugët e Los Santos në GTA Online, me Rockstar Games që vazhdon të sjellë update të vazhdueshme në multiplayer. Megjithatë, tashmë që kanë kaluar më shumë se 7 vite dhe me ardhjen e konsolave të reja që është fare pranë, fansat ende po presin lançimin e GTA 6, e cila ende nuk është konfirmuar.

Megjithatë, Take-Two, publikuesit e GTA dhe lojërave të tjera të Rockstar, kanë konfirmuar në një mbledhje se disa lojëra nga seritë e tyre më të mëdha janë duke u zhvilluar. Në vitet e ardhshme, ata presin që të lançohen disa lojëra gjatë viteve të ardhshme, të cilat do të jenë më ambicioze se kurrë më parë.

Edhe pse nuk kanë konfirmuar asgjë rreth GTA 6, ata thanë se do të japin më shumë informacionë për një lojë AAA gjatë muajve të ardhshëm.

Megjithatë, duhet të kemi parasysh se kjo mund të mos jetë GTA 6, pasi në këtë mbledhje u fol për Take-Two në përgjithësi, të cilët janë gjithashtu përgjegjës edhe për disa seri të tjera. Një prej tyre është seria Mafia nga Hangar 13. Mafia 3 u lançua në 2016 dhe fansat ende po presin një vazhdim të kësaj serie. Ndërkohë, flitet gjithashtu se loja mund të jetë nga seria Bioshock. Loja e fundit e kësaj serie u lançua në 2013 dhe fansat gjithashtu po presin për një lojë të re.

Ende pritet të konfirmohet nëse loja që do të zbulojë Take-Two do të jetë GTA 6. Megjithatë, deklarata e fundit nga vetë Rockstar duket se hedh shenja drejt kësaj.