Kjo është gjithçka dimë për Season 11 të PUBG Mobile

Sezoni i ardhshëm i PUBG Mobile do të nisë në 10 janar

PUBG Mobile ka konfirmuar zyrtarisht se sezoni i ri do të nisë në 10 janar. Kjo do të thotë se Season 10 do të mbyllet këtë javë për t’i hapur rrugë Season 11. Season 11 do të quhet “Operation Tomorrow” dhe do të sjellë veshje, skins dhe items me tematikë cyberpunk.

Si zakonisht, do të ketë një variatet skin-esh, veshjesh dhe sendesh të tjera për të personalizuar personashin tuaj. Shpërblimet e Royale Pass përfshijnë një kostum të kuq dhe të zi kur arrini Gold, një maskë për fytyrën kur arrini Platinum, një skin për MK14 kur arrini Diamond, një skin parashute të Season 11 kur arrini Ace dhe një kornizë për avatarin tuaj kur arrini Conqueror.

Gjithashtu, do të ketë disa shpërblime me tematikë “Pummeler“, të cilat përfshijnë skin-e për M416, M762, tiganin, helmetën dhe çantën e shpinës. Ka gjithashtu një skin të ri të verdhë për AWM dhe një skin të ri për DP28 që i përshtatet tematikës së këtij sezoni.

Të tjera skin-e që pritet të vijnë janë një skin për motorra i quajtur Roaring Tiger me tre nivele për t’u bërë upgrade, një skin i bardhë arushi, skin-i i parë për PP19 Bizon, si dhe skin-i i rank 100 në Royal Pass, i cili është futuristik dhe ka një maskë me një V të ndriçuar.

Sezoni i ri gjithashtu do të sjellë një mode të ri të quajtur Domination, në një hartë të re të quajtur Town. Ky mode është i inspiruar dukshëm nga Call of Duty, pasi ju duhet të kapni një zonë dhe të qëndroni mjaftueshëm në të për ta dominuar. Sipër ka një shirit progresi që tregojnë përqindjen që keni arritur. Ka tre zona A, B dhe C gjatë një ndeshjeje, të cilat aktivizohen. Harta e re duket interesante dhe ka disa vënde të mira nga ku mund të godisni kundërshtarët.

Ndër të tjera, pritet të vijnë edhe emote të reja MVP, ndërkohë që motorrat e borës do të zëvendësojnë motorrat normalë në Vikendi. Gjithashtu, do të shtohen dhe Riot Shields në disa mode të EvoGround.