Policia sulmon Kampionin e Botës në Fortnite gjatë një livestream-i

Fatmirësisht, situata u mbyll me një fund të lumtur.

Një njeriu normal nuk do i shkonte mendja se dikush që luan videolojëra dhe nxjerr para nga kjo gjë do të shënjestrohej ndonjëherë nga policia, por edhe bota e të bërit stream mund të jetë mjaft e rrezikshme ndonjëherë. Deri më tani gjëja më e tmerrshme që mund ti ndodhë një streamer-i kur është live është të bëhet swatt nga policia dhe të njejtën gjë e mësoi edhe kampioni i botës në Fortnite, Bugha, mbrëmë.

Për të sqaruar, termi ‘swatted’ përdoret kur dikush telefonon policinë ose forcat e rendit ligjor mbi akuzua të rënda që janë të rreme dhe të sajuara, të cilat i bëjnë forcat policore të jenë shumë vigjilente dhe shumë të armatosura.

Është pikërisht kjo ajo çfarë i bënë 16 vjeçarit Bugha në stream-in e tij mbrëmjen që lamë pas. Që pasi fitoi turnamentin botëror të Fortnite dhe doli me $3 milion në xhep nga eventi, ai është shënjestruar menjëherë nga hackers-at në shumë nga mediat e tij sociale. Gjithsesi kjo ishte hera e parë dhe le të shpresojmë e fundit që ai bëhej ‘swatt’.

Bugha ishte duke bërë stream në dhomën e tij live në Twitch, kur i ati hyri brenda dhe i tha se në derën e shtëpisë kishte polica. Shokët e tij të skuadrës u shokuan kur e panë djaloshin të zhdukej papritur. Ai u kthye pas 10 minutash dhe e shpjegoi situatën.

Bugha shtoi se ishte me fat, sepse një nga oficerët që ishte në krye të detyrës, jeton në lagjen e tij dhe e njihte. Kjo ishte pjesa më fatlume, sepse sipas tij, policët tashmë ishin me armë në dorë.

Ky fenomen është një nga gjërat më tmerruese që mund ti ndodhë një streamer-i dhe jo të gjitha rastet përfundojnë kaq lehtë sa rasti i Bugha. Në vitin 2017, në një rast të ngjashëm ku po bëhej stream një lojë Call of Duty, streamer-i u qëllua dhe vdiq nga policia, ndërkohë që personi që e kishte bërë telefonatën u dënua me 20 vite burg.