Drejtori i Xbox konfirmon se disa lojëra të Series X mund të vonohen nga COVID-19

Phil Spencer e quan prodhimin e lojërave “të panjohurën më të madhe” rreth ndikimit të COVID-19 në industri

Shefi i Xbox, Phil Spencer ka ofruar një update mbi ndikimin e COVID-19 në orarin e ardhshëm të kompanisë, duke konfirmuar se konsoli i saj i radhës, Xbox Series X mbetet në rrugën e duhur për periudhën e lançimit në fundvit 2020, me gjithë masat e izolimit të zbatuara në të gjithë globin në përgjigje të përhapjes së vazhdueshme të virusit.

“Në përgjithësi, unë mendoj se jemi në përputhje me atë ku kemi menduar se do të jemi”, shpjegoi Spencer gjatë një paraqitjeje në “Squawk Alley” të CNBC.

“Unë do të them se e panjohura më e madhe është ndoshta prodhimi i lojërave. Prodhimi i lojërave është një aktivitet argëtimi në shkallë të gjerë tani, ju keni qindra njerëz që vijnë së bashku, duke ndërtuar asete, duke punuar përmes krijuesve.”

Deri më tani, Halo Infinite mbetet i vetmi titull i njohur për fillimin e Xbox Series X që planifikohet të dalë në të njëjtën ditë si konsola më vonë këtë vit, por vetëm dje, Microsoft zbuloi datën për një episod të ri të Inside Xbox i cili planifikon të zbulojë më shumë lojëra të planifikuara për të ardhur në platformë, së bashku me një vështrim të parë në gameplay për Assassin’s Creed Valhalla të njoftuar së fundmi.

Në anën tjetër të fushës së betejës next-gen, Sony gjithashtu ka sqaruar se një vonesë PS5 nuk po konsiderohet ende si një mundësi për kompaninë, e cila po lëshon edhe dy ekskluzivët kryesorë të PS4, The Last of Us 2 dhe Ghost of Tsushima, gjate verës.