Pas disa viteve Fortnite do të kthehet në një film shumë të suksesshëm

Blockbuster-at e ardhshëm të Hollywood do të jenë të bazuar në videolojëra, mbi të gjitha në Fortnite dhe Minecraft. Kjo sipas shefit të zhvllimit të biznesit në Paradox, Shams Jorjani.

Jorjani merr si rast hitet e mëdha të Marvel Cinematic Universe në arsyetimin e tij duke thënë: “Marvel ësht gjerësisht e bazuar në comics dhe trajta të ngjashme me të cilat fëmijët kalonin kohën në vitet ‘70s dhe ‘80. Pas 20 vitesh në gjitha IP e mëdha do të bazohen në videolojërat që luante gjenerata jonë.” Suksesi i madh i Marvel në adaptimin e comic books ka vendosur rekord në industrinë kinematografike , me Avengers: Endgame që qëndron me $2.8 miliard në box office.

Jorjani shprehet se: “do të ketë një film gjigand të Fortnite në 30 vite,” sepse në atë pikë edhe audiencat edhe krijuesit do të jenë të mbushur me nostalgji për lojërat që luanin kur ishin fëmijë, njëlloj siç po ndodh sot me comic books. “Ka për të dominuar të gjithë median. Për fëmijët e sotëm Fortnite dhe Minecraft janë si feja.”

Nuk është ndonjë sekret i madh që Fortnite është duke ja dalë mirë në botën e videolojërave. Vetëm vitin e shkuar Epic Games fitoi $3 miliard prej saj.

Jorjani gjithashtu përmend edhe Stranger Things si një shembull: “Arsyeja pse Stranger Things është kaq i suksesshëm është sepse trajton gjëra të kohës së shkuar. Njerëzit që janë rritur në vitet 80 tani janë profesionalizuar dhe kanë zgjedhur të punojnë në gjërat të cilat i sjellin nostalgji, pra kujtimet e tyre të fëmijërisë.”

Është thuajse e sigurt pra që Fortnite dhe Minecraft do të përhapen në kulturë teksa gamersat e të tashmes transformohen në konsumatorët e të ardhmes. Mbetet të presim për një të ardhme shumë të largët për të parë se çfarë do të dalë ekzaktësisht nga kjo.