Outlanders Update do të vijë në Dota 2 në 26 nëntor

Valve konfirmon datën e lançimit të patch-it më të madh të vitit

Valve mund të jetë e zënë me lojën e re Half-Life dhe zbulimet e reja në CS:GO, por kjo nuk do të thotë se e kanë harruar një prej lojërave të tyre më popullore. Outlanders Update në Dota 2 ka kohë që pritet dhe zhvilluesi më në fund ka folur për të, duke zbuluar një datë lançimi.

Edhe pse nuk ka një datë zyrtare nga llogaritë zyrtare të Valve, një prej zhvilluesëve të Valve, cameron_dev, komentoi në Reddit dhe tha se Outlanders Update do të vijë në 26 nëntor.

Gjithsesi, zhvilluesit e Valve janë të njohur për vonimin e lançimit të lojërave dhe update-ve për arsye se nuk janë të kënaqur me atë që kanë krijuar ose sepse mendojnë që gjërat nuk janë gati. Nuk është një zbulim konkret, por më shumë si një informacion nga një person i brendshëm.

Si matchmaking normal, por edhe skena profesionale kanë vuajtur nga patch-i i gjatë 7.22. Ky patch do të jetë më shumë se 6 muaj i vjetër përpara ardhjes së patch-it të ri, duke qënë një prej më të gjatëve në historinë e Dota 2. Edhe pse ka pasur disa gjëra të reja që kanë ardhur nëpërmjet patch-eve më të vogla, shumë lojtarë janë ankuar për gjëndjen e lojës dhe numrin e ulët të lojtarëve.

Outlanders Update padyshim që do të ndryshojë meta-n e lojës, duke sjellë gjithashtu dhe dy heronj të rinj në Dota 2, Snapfire dhe Void Spirit.