Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një hero i ri po vjen bashkë me disa biskota të shijshme dhe një dragua.
Një hero tjetër i Dota 2 është prezantuar në skenën e The International. Ajo është Snapfire, një zonjë e moshuar me një dragua të adhurueshëm që e shoqëron kudo që shkon. Valve zbuloi sot se këta të dy do i bashkohen listës së heronjve të Dota 2 në vjeshtë.
Trailer-i i Snapfire nuk tregoi shumë gameplay, por me krahasimet me How to Train Your Dragon që kanë filluar që tani, jemi të sigurtë që kjo do të jetë një nga heronjtë më të preferuar të fansave kur të vijë në lojë.
Teksa nget dragoin e saj të besuar për të ndjekur një Batrider që i ka vjedhur biskotat e saj të porsapjekura, mund të shohim disa sekuenca të shkurtra që tregojnë disa nga aftësitë që Snapfire do të ketë në lojë. Një pushkë, armë në shpinën e dragoit të saj dhe biskota që sjellin buff mund të shihen në trailerin e mësipërm.
Në pamje të parë, Snapfire mund të jetë një hero që përdor magji bashkë me dragoin e saj dhe që qëllon armiqtë e saj me armë. Pushka e saj mund të jetë një aftësi më vete dhe biskotat mund të shtojnë më shumë larmi në kit-in e saj.
Nuk u dha asnjë lloj informacioni shtesë se çfarë lloj heroi do të jetë ajo, por duke parë se sa afër është me dragoin e saj në këtë trailer, Snapfire mund të klasifikohet si një Agility hero.
Gjithsesi derisa Snapfire të vijë në sezonin e vjeshtës, fansat do të vazhdojnë me spekulimet e tyre mbi të. Le të shpresojmë thjesht që Snapfire të lançohet në një stad më të përdorshëm se ç’ishte Mars.
