Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një patch i madh me shumë ndryshime, si dhe një ditë e madhe për Dota 2
Lojtarët e Dota 2 kanë disa muaj që presin për patch-in e ri të madh në lojë, duke marrë parasysh faktin se ata kanë luajtur në versionin 7.22 të lojës që prej majit.
Update 7.23 pritet të vijë së shpejti dhe me shumë mundësi do të sjellë disa ndryshime shumë të rëndësishme në meta, rregullime të matchmaking si dhe kontent të ri për lojtarët. Por kur do të vijë ekzaktësisht ky patch?
Mund të ketë nga 3 në 20 update të vogla të lojës të cilat shpesh nuk vihen shumë re, por kur vjen puna te një patch i madh, datat janë shumë të rëndësishme. Duke marrë parasysh kohën e ardhjes së update-ve të mëdha në Dota 2 gjatë vitit të kaluar, Patch 7.23 dhe Outlanders Update pritet të vijnë në lojë përpara 28 nëntorit. Kjo do të qe vetëm një javë pas përfundimit të MDL Chengdu Major dhe Valve shpesh nxjerr update pak ditë pas përfundimit të turnamenteve.
Në më pak se dy javë, eventi i parë i Dota Pro Circuit, Dota Summit 11 Minor do të fillojë, që do të thotë se ky update me siguri nuk do të vijë përpara mbylljes së këtij turnamenti në 10 nëntor. Thënë shkurt, Valve nuk pëlqen që të sjellë në lojë update të mëdha që ndryshojnë disa aspekte kryesore të lojës përpara turnamenteve të mëdha, me qëllim që të mos ndryshojë në një nivel bazë mënyrën e lojës së ekipeve.
Gjithashtu, ka vetëm 5 ditë pushim midis Dota Summit 11 dhe MDL Chengdu, gjë e cila e eleminon plotësisht ardhjen e 7.23 në fillim të muajit.
Sezonin e kaluar, Valve kishte kohë që të sillte një patch të vogël midis një eventi Minor dhe Major, duke marë parasysh se ato ishin disa javë larg, por ky sezon ka pasur një plan më të ngjeshur dhe më të strukturuar për t’i mbaruar gjërat më shpejt. Kjo e limiton kohën për të bërë ndryshime të mëdha midis dy eventeve, jashtë update-ve të vogla.
Me shumë gjasa, patch 7.23 do të sjellë Outlanders Update, që do të thotë se dy heronj të rinj, Snapfire dhe Void Spirit do të vijnë në lojë. Dy heronj të rinj janë një shtesë mjaft e madhe në lojë dhe do të kishte shumë sens që update të vinte pak pas përfundimit të Major-it të parë.
