Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse ka patur ndonjëherë kohë më të përshtatshme për të luajtur lojërat që keni bërë pirg në listë dhe nuk keni patur kurrë kohë më parë, ajo kohë është tani. Nuk mund të mos e keni vënë re që jemi në mes të një pandemie globale. Ekspertët në mbarë botën këshillojnë që të qëndroni në shtëpi për shkakt të rrezikut të përhapjes së COVID-19.
Janë padyshim kohë të çuditshme këto që po kalojmë dhe jo të lehta. Duhet të vazhdojmë të qëndrojmë me idenë se kjo është për më të mirën dhe të shohim gjërat pozitive nga kjo situatë. Një gjë pozitive është që Organizata Botërore e Shëndetit (OBSH) ka këshilluar që të gjithë të qëndrojnë brenda dhe të luajnë videolojëra.
Pra një nga gjërat për të cilën prindërit na kanë kritikuar teksa po rriteshim, tashmë është e aprovuar nga doktorët dhe konsiderohet si një mënyrë për të shpëtuar me mijëra jetë.
Këshilla e OBSH ishte më e gjatë se aq, por ne do marrim parasysh atë që na leverdis më së shumti. Së fundmi organizata mbajti një mbledhje për të diskutuar mënyrat e ndryshme që duhet të përballemi me coronavirus. Një nga gjërat kyçe që duhet të mbajmë mend është që të kujdesemi për shëndetin mendor në javët në vazhdim.
Drejtori i OBSH , Tedros Adhanom tha se është mëse normale të ndjeheni të stresuar, të ngatërruar dhe të frikësuar në këto momente. Ai këshilloi se duhet të flasim me njerëz që janë të afërt për ne dhe të kontrollojmë vazhdimisht familjen dhe miqtë tanë, sigurisht pa thyer rregullat e distancimit social.
Adhanom gjithashtu shtoi se duhet të “dëgjojmë muzikë, lexojmë një libër ose të luajmë një lojë,” gjëra që askush nuk e ka problem ti bëjë. Në fakt jam e bindur që një pjesë e mirë e jona janë mëse të lumtur ta aplikojnë këtë këshillë.
Numrat flasin vetë nga ana tjetër, Steam ka thyer për herë të dytë rekordin e concurrent players , Warzone ka një numër të pabesueshëm lojtarësh dhe Phil Specner ka thënë se Xbox ka një kërkesë të paparë momentalisht për gaming.
