Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Monitori i parë 360Hz u zbulua gjatë CES
Nvidia zbuloi ditën e djeshme monitorin më të shpejtë në botë për gaming dhe esports, ASUS ROG Swift 360Hz. Ky monitor ka një madhësi prej 24.5 inch dhe suporton një rezolucion prej 1080p deri në 360Hz, duke kaluar standartin e tanishëm prej 240Hz.
Monitori përdor teknologjinë G-Sync të Nvidia për të sjellë eksperiencën më të mirë në PC, gjë që do të thotë se lojtarët duhet të kenë GPU-të më të mira të Nvidia për ta përdorur këtë monitor në maksimumin e potencialit të tij. Nuk është e qartë se si ky monitor funksionon me GPU-të AMD, prandaj ata duhet të presin edhe pak derisa të ketë më shumë informacion. Ndërkohë, përdoruesit e GeForce RTX mund të përdorin menjëherë veçoritë e avancuara të këtij monitori.
Së bashku me monitorin dhe trailer-in e mësipërm, Nvidia publikoi dhe statistikat nga kërkimet e tyre gjatë vitit të kaluar. Kompania zbuloi se flick shots në Overwatch përmirësoheshin me 37% nga një monitor 360Hz në krahasim me 60Hz, duke mposhtur 240Hz me 4%.
Disa prej lojërave që suportojnë këtë monitor janë Rainbow Six: Siege, Fortnite, Overwatch dhe CS:GO. Për t’i treguar lojtarëve mundësitë që ofron një monitor 360Hz, Nvidia krijoi një test në CS:GO ku lojtarët duhet të eleminojnë sa më shumë kundërshtarë në 45 sekonda, duke u rrotulluar vazhdimisht për të gjetur kundërshtarë. Kompania planifikon të sjellë një demo këtë javë në CES, ku ROG Swift 360Hz do të debutojë.
Nvidia momentalisht nuk ka dhënë detaje mbi datën e lançimit të monitorit dhe çmimin e tij, por thuhet se ai do të vijë gjatë 2020. Monitori i ASUS padyshim që nuk do të jetë për ata me zemër të dobët, duke parë se monitorë të ngjashëm 24 inch 240Hz shkojnë rreth $400-$500, por për lojtarët kompetitiv ky është një investim që padyshim ja vlen.
