Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Na vjen vërtet keq për fansat e Diablo
Rezultatet financiare të Activision-Blizzard për këtë vit kanë ardhur dhe kompania e parashikon 2019n si një vit tranzicioni. Kjo do të thotë që nuk duhet të mbani shpresa për ndonjë lançim të madh për 12 muajt e ardhshëm. Lajmi më i madh në këtë raport fokusohej në shkurtimin e 800 vendeve të punës, por kishte edhe disa shënime se çfarë duhet të presim për lançimet e ardhshme. Kompania u shpreh në një konferencë pak pas këtij raporti se Blizzard “nuk do të ketë një linjë lançimesh madhore për këtë vit”.
Nga lançimet e Blizzard që njohim deri më tani të dyja Diablo Immortal dhe Warcraft III: Reforged nuk hyjnë tamam në ‘linjën e lançimeve madhore’. Gjithsesi një Diablo i ri për së mbari do të kualifikohej te kjo. Është e sigurt që një lojë e re Diablo është në zhvillim e sipër, por nëse po i mbanit shpresat për ndonjë datë lançimi këtë vit, mund të doni ti ulni pak pritshmëritë.
“Kemi shumë plane për Diablo të ndara në projekte të ndryshme që do i zbulojmë gjatë vitit të ardhshëm,” është shprehur një përfaqësues i Blizzard në forumin zyrtar të nëntorit të kaluar. “Duam vërtetë që të ndajmë më shumë rreth projekteve tona me ju, por do të preferonim më mirë t’ja u tregonim të plota se sa përmes fjalëve.”
Raportohet se Diablo 4 ka ndryshuar drastikisht që nga pika e hyrjes në zhvillim rreth gjysëm-dekade më parë dhe ndoshta është pikërisht kjo arsyeja përse Blizzard është kaq i kujdesshëm me informacionet që jep rreth lojës.
