Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një e ardhme pa konsola Nintendo?!
Pas dështimit të Wii U, Nintendo është rikthyer fuqishëm këto dy vitet e fundit duke lançuar Switch-in. Ndërkohë që konsola hibride ka arritur të kalojë shitjet e paraardhëses së saj dhe ka ofron një seri lojrash të mirëvlerësuara, te publikuara nga vetë studio e Nintendos, ata vazhdojnë të mendojnë për të ardhmen. Megjithatë, kjo e ardhme mund të sjellë ndryshime të mëdha në vizionin e kompanisë.
Në një intervistë me gazetën Nikkei, presidenti i Nintendos, Shuntaro Furukawa deklaroi se është e mundur që në një të ardhme, studioja e mirënjohur të ndalojë prodhimin e konsolave per shtëpi. Edhe pse nuk është deklaruar asnjë datë zyrtare për këtë ndryshim, Furukawa deklaroi se, nëse kompania mund të perfitojë nga ky vendim, ata do të ndalojnë prodhimin e hardware.
“Kanë kaluar 30 vite që kur ne filluam te prodhonim konsola. Historia e Nintendos daton edhe më herët, dhe ndërsa ne perballeshim me shumë veshtiresi, gjithmonë mendonim se çfarë duhet të krijonim në të ardhmen. Në terma afatgjatë, mbase fokusi yne si biznes mund të largohet nga konsolat – përshtatshmëria është po aq e rëndësishme sa aftësia.”
Deklarata e Furukawa-s nuk është hera e parë që ne dëgjojmë për largimin nga përdorimi i konsolave tradicionale, ku rritja e përdorimit të platformave të streaming dhe shërbimeve cloud janë shkaqet krzesore. CEO i Ubisoft Yves Guillmont përmendi gjatë E3 se ai beson që gjenerata e ardhshme e konsolave do të jetë dhe e fundit, për shkak se teknologjia do të avancoje mjaftueshëm sa të lejojë performancë ekselente në platformat streaming.
Gjatë fundit të vitit të kaluar, Google u bë pjese e industrisë gaming duke prezantuar Assassin’s Creed në platformën e tij eksperimentale Project Stream, e cila përdoret me anë të Google Chrome. Madje, thuhet se konsola e ardhshme Xbox do të sjellë ndryshime të medha në 2020. Nderkohë që Microsoft pritet të lançojë një konsolë tradicionale, ata mund të lançojnë gjithashtu një alternativë më të lirë, që do të bënte të mundur që lojrat të luheshin nëpërmjet një shërbimi cloud.
Ideja e shërbimeve streaming duket si një opsion tepër i mundshëm, për sa kohë kompanitë gjejnë mënyra për të zgjidhur problemet e lidhura me bandwidth dhe internetin e ngadaltë te disa përdoruesve. Aftësia për të nxjerrë lojra dhe software nëpërmjet stremaing services do t’i kursente kompanive si Nintendo, Microsoft dhe Sony shumë para duke i bërë ata të mos shpenzonin për prodhimin në masë të konsolave të reja.
