Ninja braktis Fortnite për WoW Classic

Iku dhe një tjetër.

Streameri i famshëm i battle royale Fortnite, Tyler “Ninja” Blevins, është i fundit që ka rënë viktimë e epidemisë së WoW Classic. Lajmi u bë i njohur sot në Twitter, kur Ninja i informoi fansat se pasi kishte pranuar të bënte një quest, kishte krijuar varësi pas lojës.

Ky njoftim e ndau audiencën e Ninja në dy grupe të mëdha. Sado që disa preferojnë ta shohin streamer-in të luajë battle royale-in e Epic Games, pjesa më e madhe e tyre janë duke e mikpritur mes tyre.

Ninja është momentalisht duke i bërë stream World of Warcraft Classic në kanalin e tij të Mixer me 9,000 shikime, me ndihmën e Timothy “TimtheTatman” John Betar dhe Jordan Fisher.

Sado që Ninja është streamer-i më i fundit që ka kaluar në anën e WoW Classic, padyshim që nuk është i vetmi. Legjenda e FPS, Michael “shroud” Grzesiek ka deklaruar se është i gatshëm që të humbasë shikues dhe para për të bërë stream WoW Classic.

“Mendova me vete që nuk do të marr shikimet që marr normalisht, nuk do të marr paratë që marr zakonisht, nuk do të marr subscribersat që marr zakonisht , por do e luaj këtë lojë për qefin tim.” Është shprehur shroud.

Që kur u lançua përpara një jave, World of Warcraft Classic ka arritur të jetë loja më e parë në Twitch me mbi 33 milion orë të mbledhura në total. Pa frikë WoW do të jetë loja me shikueshmërinë më të lartë të kapur brenda një jave për këtë vit në Twitch.

World of Warcraft Classic e ka zënë komunitetin e gaming si një epidemi, mbi të gjitha përsa i përket streamerave. E bukura e lojës është se të ofron mundësi ti bësh stream për një kohë të gjatë, ndaj nëse do të duhet të bënim një parashikim të vogël, do të thonim se WoW do të vazhdojë të qëndrojë në krye të Twitch edhe për ca kohë.

Përsa i përket Ninja, nuk dimë të themi a do i kthehet Fortnite, por pasi kaloi në Mixer ai e tha vetë se do të përqëndrohet në lojërat që ka luajtur gjithmonë. Do të ishte vërtetë e rrezikshme për karrierën e tij që thjesht ta linte Fortnite pas dore.