Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Edhe pse Mafia: Definitive Edition është një remake i Mafia 1, ajo prapë ka ndryshime nga loja origjinale
Mafia 1 është një prej lojërave të cilat akoma sot edhe kësaj dite kujtohet dhe që na sjell nostalgji. Edhe pse jemi në kohën e lojërave open-world me harta masive, një lojë si Mafia 1 do të ndihmonte të ndryshonim monotoninë e përditshme. Mafia: Definitive Edition në pamje të parë mund të duket fiks si loja origjinale e cila doli në treg 18 vite më pare por në të vërtetë ka shumë ndryshime nga loja origjinale.
Për një lojë 18 vjeçare është e pamundur që të përmirësohen grafikat dhe të përshtaten për një konsole ose PC modern. Hangar 13(Zhvilluesi i lojës) e ka rindërtuar lojën nga fillimi deri në disa në disa Easter Egg nëpër misione të ndryshme. Qyteti në përgjithësi është i njëjtë, armët dhe makinat po ashtu dhe gjithashtu një pjesë e mirë e misioneve kanë të njëjtën strukturë por përsëri loja ka ndryshimet e veta.
Sistemi i combat ka ndryshuar shumë kësaj here dhe është shumë më ndryshe se ai i lojës origjinale. Kësaj here është më i ngjashëm me Mafia 3 dhe 2 pasi ju mund të zini një pozicion dhe të gjuani prej atij vendi. Në vështirësinë Classic ju mund të vriteni nga vetëm një person me Tommy Gun dhe gjithashtu do të humbni çdo plumb në karikator kur të mbushni me plumba armën tuaj si në Mafia 1. A.I. e kundërshtarëve është përmirësuar goxha dhe tashmë ju mund të kundërsulmoni gjatë një dyluftimi.
Në cdo nivel që do të luani do të gjeni health regeneration. Gjatë kohës që kohës ju sulmoheni nga dikush dhe fshiheni, health meter do të fillojë të shkojë deri në një pikë të caktuar sipas nivelit të vështirësisë që keni zgjedhur. Pasi loja ka pësuar shumë ndryshime në mënyrën se si ajo funksionon dhe vështirësia e vështirësisë Classic është shumë herë më e vështirë në krahasim me vështirësitë e tjera.
Misionet janë pothuajse të njëjta dhe identike me dialogun pothuajse të njëjtë por me disa ndryshime në strukturat e misioneve. Disa janë zgjatur kurse disa janë rikrijuar njësoj si në lojën origjinale. Gjatë një mision ju do të sulmoheni nga policët të cilët do iu sulmojnë kur ju jeni në një fermë. Në Mafia 1 do t’iu duhej të përparonin ngadalë ngadalë kurse në Mafia: Definitive Edition do të përballeni me disa valë kundërshtarësh. Një ndryshim i vogël është se gjatë shpëtimit do t’iu duhet të gjuani një makinë policie. Ndryshime të vogla si këto kanë ndodhur me pothuajse çdo mision.
Driving duket pak çuditshëm në fillim pasi loja është përshtatur me makinat e viteve 1930 të cilat mezi e arrijnë ndonjëherë 60 km/h. Driving është përmirësuar goxha dhe do t’iu duhet pak kohë sa të mësoheni me të. Gjithashtu është shtuar opsioni “ram” i cili iu ndihmon të përplasni makinat që iu kanë zënë rrugën. Për fansat e lojës origjinale, policët mund t’iu ndjekin dhe t’iu gjobisin nëse kaloni shpejtësinë e lejuar. Për të mos iu lejuar ta bëni ketë do të keni një buton i cili do t’iu limitojë shpejtësinë tuaj. Gjithashtu makinat mund të shpërthejnë nëse goditen nga plumbat.
Cast-i i lojës ka ndryshuar komplet me aktor të rinj ndryshe nga origjinali. Aktorët e rinj na japin një ndjesi tjetër si tek Tommy Angelo i cili na jep ndjesinë e Vito nga Mafia 2. Muzika ka ndryshuar komplet. Muzika origjinale e lojës ka qënë e mrekullueshme por është zëvendësuar me muzikë orkestrale e cila është e mirë por nuk të jep të njëjtin impakt.
Vendodhjet në hartë kanë ndryshuar duke e përshtatur Lost Heaven si një pjesë e Çikago në vend të Nee York ku loja origjinale filloi. Harta gjithashtu ka ndryshuar për të shfaqur më mirë pjesën veriore të qytetit. Është një ndryshim i vogël por i rëndësishëm. Aktorët kanë një theks më të afërt me atë të Çikagos sesa të New York.
Gjatë misioneve do të gjeni collectibles të ndryshme si gazeta, foto të personazheve nga seria e Mafia dhe shumë gjëra të tjera. edhe pse mund të duket si një ndryshim i vogël kjo gjë mund t’i nxis njerëzit për t’i mbledhur të gjitha në mënyrë që të fitojnë trophies ose achievements.
Gjithashtu gjatë lojës do të gjeni Easter Eggs nga më të ndryshmit të fshehur nëpër qytet. Nëpër collectibles nuk do të gjeni vetëm personazhe nga Mafia 2 si Frank Vinci ose Leo Gallente por edhe referenca të Empire Bay ose New Bordeux nga Mafia 3. Akoma nuk dihen të gjitha Easter Eggs prandaj do të na duhet një kohë e gjatë për t’i zbuluar.
Fundi i lojës është diçka të cilët çdo fans i kësaj serie duhet të di. Nëse nuk keni dëshirë ta dini para kohe thjesht mund të mos vazhdoni më poshtë.
Gjatë Mafia 1 pasi shpëtoi nga familja Salieri, Tommy Angleo takon një agjent federal dhe bëhet një dëshmitar i krimeve të kryera gjatë kohës që ai ishte një mafioz. Vite më vonë, Tommy Angelo i cili tashmë është plakur vritet nda disa persona të cilët përpara se ta ekzekutojnë i dërgojnë përshëndetjet e zotit Salieri. Në Mafia 2 zbulojmë se personat të cilët e vrasin janë personazhet kryesor të lojës, Vito dhe Joe të cilët janë dërguar nga familja pasi zbulohet tradhtia e tij ndaj familjes.
Fundi i Mafia: Definitive Edition ka ndryshuar kësaj here duke na sjellë diçka shumë ndryshe. Kësaj here ekzekutimi i Tommy Angelo kryhet me Vito dhe Joe prezent në vend të dy persona të cilëve nuk iu duket fytyra gjatë lojës origjinale. Loja mbaron me muzikë nga Mafia 2. Vito dhe Joe kanë marrë gjithashtu një remake të vogël duke gëzuar një pjesë të mirë të fansave.
