Mund të luani hartat e CS:GO në Minecraft

Këto krijime janë të pabesueshme.

Counter-Strike: Global Offensive dhe fansat e Minecraft kanë kombinuar lojërat e tyre të preferuara, duke sjellë ripunime shumë të sakta të hartave të CS:GO në lojë.

Counter-Strike: Global Offensive është një nga lojërat më popullore FPS në botë dhe ka disa nga hartat më ikonike, që janë tepër të njohura edhe për shumë njerëz që mund të mos e kenë jetuar lojën.

Disa fansa vendosën se nuk ishte e mjaftueshme që këto harta të mund të luhen vetëm në CS:GO. Ndaj, Minecraft-erat krijues kanë bërë kopje tmerrësisht të sakta të tyre, përfshirë Dust2 dhe Nuke, në Minecraft

Dust2, ndoshta harta më ikonike e Counter-Strike, u rikrijua nga CrafterKolyan. Duket e thjeshtë në pamje të parë, por ai është treguar tmerrësisht i saktë. Mund të gjesh në hartë edhe armë, granata dhe bomba që punojnë.

Përdoruesi i Reddit ‘bebetheupdateman’ është një tjetër mastermind, që krijoi kopjen e Vertigo. Ai e postoi këtë krijim në 15 tetor dhe menjëherë la një përshtypje të madhe në komunitet.

Jo vetëm që bombsites janë thuajse identike, por e gjithë harta është e vendosur në të njejtën mënyrë dhe gjithashtu përfshin edhe të gjitha qiellgërvishtëset që e rrethojnë bashkë me vinçin e verdhë.

Një tjetër përdorues krijoi Nuke, një hartë që ka qenë kryesorja në ndeshjet kompetitive prej vitesh. Codre punoi jashtëzakonisht shumë me të, duke u siguruar që edhe detaji më i vogël të ishte prezent dhe në cilësi të lartë.

Është e thjeshtë të dallosh se sa është punuar në këto rikrijime hartash. Disa prej tyre kanë edhe një nivel fantastik ndriçimi për ti dhënë tamam idenë e Counter-Strike.

Mund ti shikoni të gjitha këto harta në PlanetMinecraft, ku të gjithë krijuesit ndajnë punimet e tyre.