Mbi $61 miliardë janë shpenzuar në lojëra mobile për 2019

Zhvilluesit e lojërave mobile kanë bërë goxha para.

Mobile gaming vazhdon të jetë një fuqi e madhe e industrisë dhe ky pohim ka qenë i vërtetë edhe për 2019. Me një rritje prej 12% nga totali i 2018s, shpenzimet për lojërat mobile zinin mbi 70% të të gjitha shpenzimeve nga mobile për vitin. Kjo sipas statistikave nga Sensor Tower.

Nuk duhet të vijë si një surprizë e madhe në fakt. Siç ndodh edhe me gaming tradicional, mobile gaming ka vazhduar të përmirësohet në kualitet, teksa në të njejtën kohë ka gjetur shumë mënyra unike për ti bërë lojtarët të shpenzojnë para në lojërat falas që ata shkarkojnë fillimisht. Edhe këto të fundit kanë patur rritje. Njerëzit janë duke luajtur lojëra mobile me shifra që gati gati mund të klasifikohen si rekorde.

Telefonat po bëhen gjithmonë e më të fuqishëm. Njerëzit kanë më pak kohë që të ulen dhe ti dedikojnë kohë lojërave tradicionale. Nëse nuk jeni të dhënë pas një zhanri specifik loje, mund thjesht të kërkoni për një tjetër, pasi edhe në këtë pikë larmia nuk mungon.

Lojëra si Pokemon Go kanë arritur $894 milionë fitime për 2019 dhe sipas Sensor Tower edhe lojëra si Call of Duty Mobile dhe Garena Free Fire kanë qenë shumë të mëdha për këtë vit.

Po ju si mendoni? A e keni gjetur veten tuaj duke luajtur më shumë lojëra në telefon kohët e fundit?