Mixer ul çmimin e subscriptions në $4.99 për të konkuruar me Twitch

Tashmë mund të kurseni plot $1.

Në fillim Ninja, pastaj shroud. Tani Mixer është duke i vënë sytë në çmimet e subscription të Twitch.

Shërbimi për streaming, Mixer i ndryshoi çmimet e subscriptions sot, duke e ulur koston nga $5.99 në $4.99 për të konkuruar me rivalin e tij Twitch.

“Duke filluar që sot, të gjitha subscriptions do të ndryshojnë nga $5.99 në$4.99, sa herë që të bëni subscribe në ndonjë nga streamerat tuaj të preferuar,” U shpreh Mixer.

Sado që Twitch mban numrin më të madh të orëve të para në një shërbim streaming, Mixer është duke i mbështetur përdoruesit e tij, duke e ulur çmimin me $1. Kjo mund t’i nxisë streamer-at e Twitch që të kalojnë më lehtë në Mixer.

Fillimisht platforma joshi yllin e Fortnite, Ninja, që të kalonte ekskluzivisht në Mixer dhe më pas i vuri sytë te legjenda e FPS, shroud. Ky i fundit e njoftoi kalimin e tij në Mixer në 24 tetor, duke thënë se kjo është “lëvizja më e mirë” për platformën e tij. Tani ka fjalë që edhe Tfue mund të lërë pas Twitch për Mixer.

Ninja dhe shroud kishin 21 milion ndjekës të kombinuar në Twitch. Mungesa e tyre është si një vrimë gjigande në platformë, por kompania ende qëndron shumë më lart në krahasim me konkurentët e tjerë si YouTube dhe Facebook.

Pasi mori streamer-at më të mirë dhe uli çmimet, një gjë është e qartë: Mixer i është vënë pas Twitch dhe nuk duket se ka ndërmend të ndalojë.