Microsoft zbulon Xbox Series X në The Game Awards 2019

Mirësevini në gjeneratën e re!

Në një lajmërim surprizë, Microsoft zbuloi konsolën e tyre më të re, Xbox Series X, e cila do të lançohet në fund të vitit 2020.

The Game Awards ka sjellë shumë lojëra dhe content të ri, por Microsoft vendosi ta përdorte këtë mundësi për të prezantuar konsolën e tyre të re. Nuk u dha informacion mbi parametrat dhe çmimin, por u tregua pamja e jashtme e konsolës.

Kasa e Xbox Series X do të jetë një kuti vertikale me ngjyrë të zezë mat. Në pjesën e poshtme majtas mund të futen disqe dhe ka gjithashtu dhe dy butona, me shumë mundësi për ta ndezur dhe për reset.

Loja e parë që u zbulua për konsolën e re ishte Hellblade 2.

Në një intervistë, Phil Spencer tha se konsola do të jetë Xbox më i shpejtë dhe më i fuqishëm ndonjëherë.

Zhvilluesit nga e gjithë bota kanë filluar punën për lojëra ekskluzive për Xbox Series X.