Microsoft thotë se X019 do të jetë “Inside Xbox më i madh ndonjëherë”

X019 pritet të vijë me shumë zbulime të mëdha

X019, festa e përvitshme e Xbox, po vjen me shpejtësi. Këtë vit ajo do të zhvillohet në Londër, nga 14-16 nëntor. Në Twitter, llogaria zyrtare e Xbox shkruajti se X019 do të mbahet mend për shumë vite dhe se nuk ka kohë për të humbur, duke entuziazmuar gamers.

Ka gjasa që në X019 të zbulohet gameplay për Age of Empires IV, e cila u zbulua në Gamescom 2017 dhe po zhvillohet nga Relic Entertainment. Kjo do të përputhej shumë mirë me lançimin e Age of Empires II: Definitive Edition.

Zbulimet, çfarëdo që të jenë ato, do të ndodhin gjatë një episodi special të Inside Xbox, për të cilin Microsoft thotë se do të jetë “më i madhi ndonjëherë“. Inside Xbox në X019 do të transmetohet në 14 nëntor në 21:00 në të gjitha platformat e mëdha (Mixer, Twitch, YouTube, Facebook dhe Twitter) dhe kemi dhe një ide se çfarë pritet të vijë. Megjithatë, jo gjithçka është e përfshirë pasi padyshim që do të ketë surpriza.

• Lojëra të reja
• Lajme për më shumë se 10 lojëra Xbox
• Lajme të mëdha për Xbox Game Pass
• Informacion për Project xCloud
• Wasteland 3
• Microsoft Flight Simulator
• Minecraft Dungeons
• Sea of Thieves
• CrossfireX
• Star Wars Jedi: Fallen Order
• Shumë më shumë

CrossfireX është një prej lojërave më interesante në këtë listë, pasi ende nuk është zbuluar plotësisht. E zbuluar fillimisht në E3 2019 si loja e parë Crossfire në konsola, ajo pritet të vijë fillimisht në Xbox One vitin tjetër. Loja FPS po zhvillohet nga Smilegate Entertainment dhe do të ketë multiplayer, battle royale dhe një campaign, i cili po krijohet nga Remedy Entertainment, krijuesit e Max Payne, Alan Wake, Quantum Break dhe Control.