Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
World of Warcraft Classic do të jetë loja me shikueshmërinë më të lartë brenda javës për këtë vit në Twitch.
Pas dy viteve pritje, World of Warcraft Classic ka ardhur për të gjithë lojtarët dhe fansat besnikë anë e mbanë botës. Mund të jetë ende herët për Blizzard që të njoftojë se sa lojtarë e kanë luajtur lojën, por gjithmonë do të kemi një gjë që quhet Twitch për të na treguar ritmet e interesit që komuniteti i gaming tregon për një lojë.
Sipas statistikave të Twitch, mbi 33 milion orë të World of Warcraft Classic janë parë në platformë. Këto shifra as nuk mbulojnë javën e plotë të lançimit. Ato përjashtojnë fundjavën, pasi ajo është gjithmonë favorizuese për aktivitete të lidhura me gameplay-in.
E vetmja lojë tjetër që ka arritur një shikueshmëri të tillë në Twitch gjatë kësaj periudhe ka qenë Dota 2 me 34 milion orë. Gjithsesi këtu nuk duhet të harrojmë se shumica e këtyre orëve kanë ardhur nga The International. Është e sigurtë të themi se World of Warcraft Classic do të jetë loja me javën më të parë në Twitch për këtë vit.
Mundësia për të rijetuar kohët e arta të lojës ishte e garantuar që do të risillte të gjithë lojtarët. Por prapësesprapë ka edhe një arsye tjetër për këtë popullaritet masiv. Gara për tu bërë personi i parë në botë për të arritur nivelin e 60 filloi të kishte audiencën e saj, ku me miliona lojtarë lanë pas streamet e tyre për të parë se cilat ishin rrugët dhe bild-et më të mira. Ky lloj publiku është e sigurtë që nuk ka për tu larguar në një të ardhme të afërt.
E mbani mend kohën kur Apex Legends ishte loja më e parë në Twitch gjatë këtij viti? Fatkeqësisht battle royale nuk mundi ta mbante për shumë kohë këtë titull prej llojit të kontentit që kishte. Me World of Warcraft Classic nuk është e njejta gjë. Lojtarët do të vazhdojnë të futen në Twitch për të parë streamet e të tjerëve për muaj me rradhë.
Për komunitetin e streaming pastaj këtu gjendet një potencial i paparë. Ata mund të bëjnë stream shumë gjëra si: builds, professions, classes, races etj. Le të mos harrojmë edhe faktin që Blizzard ka ndërmend ta sjellë WoW Classic me faza. Kjo do të thotë që çdo fazë e re do e risjellë audiencën prapë në Twitch.
Duhet ta pranojmë se World of Warcraft Classic nuk mund të kishte ecur më mirë për Blizzard. Aq shumë lojtarë ka patur loja, sa kompanisë i është dashur të hapë pesë servera të tjerë shtesë për të përballuar kapacietetin e madh të lojtarëve. Nëse loja vazhdon me të tilla ritme, Blizzard mund ti duhet të shtojë servera të tjerë.
