Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rockstar mendohet të ndjekë të njejtën ide si me GTA V
Bully 2 po zhvillohet si një lojë e disponueshme për të dyja gjeneratat e konsolave.Kjo vjen sipas aludimit më të fundit për lojën. Ky thashethem ka ardhur nga një YouTuber i quajtur SWETGA, që mund të themi se është një fans i zjarrtë i Bully. Ai thotë se informacioni ka ardhur nga një person i brendshëm i Rockstar Games.
Ideja e përgjithshme është që Bully 2 do të lançohet në konsolat e gjeneratës së ardhshme si Xbox Scarlett dhe Play Station 5, por edhe konsolat e gjeneratës së tanishme, pra PlayStation 4 dhe Xbox One. Duket se Rockstar do të bëjë të njejtën gjë si edhe me GTA V. YouTuber-i shprehet se arsyeja pse kompania po e bën këtë është plotësisht financiare, njëlloj si në rastin e GTA V, që u lançuar për PS3, PS4, Xbox 360 dhe Xbox One.
Sipas këtij leaku, Bully 2 do të lançohet në tetor ose nëntor të 2020s. Ja se si u shpreh ai tekstualisht:
“Rockstar do e publikojë këtë lojë në një mënyrë tjetër. Ata po synojnë që ta lançojnë atë gjatë sezonit të pushimeve të 2020s, me shumë mundësi në tetor ose nëntor.”
SWEGTA është mjaft i bindur që burimi i tij i informacionit është i besueshëm, por gjithsesi është gjithmonë më mirë të mbajmë një sy hapur për njoftimet zyrtare të Rockstar. Le të mos harrojmë se ky nuk është thashethemi i parë për një vazhdim të lojës Bully.
Po ta analizosh, ka shumë sens që Rockstar të dojë ta lançojë Bully 2 në të dyja gjeneratat e konsolave, që të arrijë të njejtin sukses si GTA V. Plus Rockstar ka nëntë filiale studiosh, ndaj nuk është çudi që menjëherë pas Red Dead Redemption 2 të sjellë një tjetër lojë të madhe.
Loja e Bully u lançua fillimisht në 2006n dhe ka shumë fansa besnikë që ende nuk e kanë harruar atë, sepse si çdo gjë që bën Rockstar, ajo ishte fantastike. Por në fund të ditës nuk na mbetet të bëjmë gjë tjetër veçse të presim dhe të shohim videon e detajuar të SWEGTA më poshtë.
