Ky leak zbulon një betejë mitologjike të Assassin’s Creed Valhalla

Përpara shfaqes që Ubisoft do të mbante për të zëvendësuar mungesën e E3 këtë fundjavë, pamjet e gameplay-it të Assassin’s Creed Valhalla janë bërë leak. Pas gameplay-it 30 minuta të zbuluar këtë javë, dikush ka gjetur shtatë minuta gameplay të Eivor në një boss battle kundër një farë “demon goddess”.

Është interesante të shohësh Ubisoft duke eksploruar me mitet e vjetra britanike. Ka gjasa që ajo të jetë Kordelia, vajza mitologjike e Mbretit Lir të Britanisë. Mund ta njihni këtë dualitet personazhesh nga drama e Shekspirit, Mbreti Lir.

Duke qenë se Ubisoft ende po përpiqet ta mbajë të limituar informacionin për Assassin’s Creed Valhalla, ka mundësi që videoja të fshihet dhe të postohet sërish nga dikush tjetër. Thjesht kërkojeni në YouTube nëse ndodh kjo gjë.

Assassin’s Creed Valhalla do të lançohet më vonë gjatë këtij viti në Uplay dhe Epic Games Store. Ndoshta do të dëgjojmë një datë konkrete lançimi dhe disa pamje gameplay në kualitet të mirë gjatë transmetimit të Ubisoft Forward këtë të Dielë.