Ky leak sugjeron se Captain America është skini i ardhshëm në Fortnite

Fortnite ka futur Deadpool dhe Aquaman në lojë gjatë Chapter 2 deri më tani. Tani duket se edhe Captain America i Marvel do të jetë heroi i ardhshëm që do i bashkohet battle royale-it të Epic Games.

Kjo duket të jetë konfirmuar nga data miners-at e Fortnite: FortTory dhe VastBlastt, të cilët arritën të zbulonin mburojën e Captain America në filet e v13.20. Sipas CastBlast, mburoja ikonike do të ketë dy përdorime në lojë. Ajo pritet të performojë si një backbling dhe si një cosmetic.

Mburoja e Cap nuk do të vijë vetëm në Fortnite gjithsesi. Raportohet se bashkë me të edhe skini i tij do të vijë në battle royale, si një skin surprizë për 4 korrikun. Kjo ide përshtatet edhe me një teaser që Epic Games shtoi në patch notes-at e tyre jozyrtarë. Zhvilluesit thanë se: “Një suprizë e këndshme do të vijë në Item Shop këtë javë.”

Mburoja vërtet të bën të mendosh që është Captain America ai që do të vijë në Fortnite, por duke konsideruar që Steve Rogers ja dorëzoi atë Sam Wilson në Endgame, ka gjasa që të jetë kushdo prej personazheve.

Varianti i skinit bazuar në Sam Wilson do të bënte shumë sens. Personazhi do të bëjë debutin e ri i Captain Amerika në Disney+ në serialin “The Falcon and the Winter Soldier.” Në këtë mënyrë Marvel bën reklamimin që i duhet dhe Epic jep imazhin e një heroi amerikan me ngjyrë, një tematikë shumë sensitive kjo gjatë kohëve të fundit.

Kjo nuk do të ishte as hera e parë që një personazh i Marvel i bashkohet lojës, në fakt Marvel ka sjellë tetë heronj të ndryshëm deri më tani. Gjithsesi mbetet të presim 4 korrikun për të parë se çfarë kanë rezervuar kompanitë këtë rradhë me këtë bashkëpunim.