Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nuk është çudi që ka një hyrje të re në seritë e Need for Speed, por pjesa interesante këtë rradhë është se Criterion Games është sërish në krye. Kjo pas një serie të gjatë lojërash të NFS nga Ghost Games. Criterion ishte studioja pas Burnout dhe ka qenë gjithashtu përgjegjëse për disa nga lojërat më të pëlqyerea të Need for Speed, si Hot Pursuit dhe Most Wanted.
“Doja t’ju thoja që i gjithë ekipi ynë në Guildford është shumë i emocionuar, që po i rikthehemi zhvillimit të Need for Speed,” tha Mat Webster i Criterion në një mesazh drejtuar komunitetit. “Siç mund ta dini kemi histori me lojërat me gara dhe me Need for Speed. Po fokusohemi në sjellien e një këndvështrimi unik nga ana e Criterion dhe inovime të cilësisë së lartë, që do të sjellin një të ardhme të re për këtë seri të mrekullueshme lojërash.”
Njoftimi i tij gjithashtu zbuloi se update-i i fundit që do të vinte për Need for Speed Heat, do të sjellë cross-play përgjatë PC, PlayStation 4 dhe Xbox One. Kjo është gjë e rrallë për një lojë të EA.
Më shumë lajme për NFS do të vijnë gjatë EA Play kur ajo të mbahet në 18 qershor, përfshirë më shumë njoftime nga Steam, teksa EA po përpiqet të fusë më shumë lojëra të saj në atë platformë.
