Komuniteti reagon ndaj fotove të bëra leak të PS5 dhe DualShock 5

Fansat e Sony dhe PlayStation do të duhet të presin edhe një vit përpara se të shohin në shitje PlayStation 5. Gjithsesi, zhvilluesit e lojërave duhet ta kenë konsolën që tani në duar, nëse duan ti përfshijnë lojërat e tyre në koleksionin e lançimit.

Jo më larg se dje, një imazh që tregonte pamjet e dy dev kits dhe controllerave DualShock u bë leak.

Këto dy dev kits kanë dy controllera anash tyre, që përdoruesi i Twitter konfirmoi të ishin DualShock 5. Këto të fundit nuk e kanë ndriçimin e zakonshëm poshtë portës së karikimit dhe kjo portë duket të tjerë USB-C në vend të micro USB-së tradicionale.

Për ata që janë nuk e dinë, dev kits përgjithësisht janë drastikisht shumë më ndryshe nga versioni që del në fund për në shitje. Në foton e mëposhtme mund të shikoni devkit-in për PS4, që dukej më shumë si një kuti printeri se sa një konsolë.

Përgjithësisht reagimet në Twitter i mëshonin shumë idesë së mësipërme, që PS5 nuk do të duket si dev-kiti. Disa postuan foton e dev kit-it të PS4 për ta vërtetuar më shumë këtë ide, ndërkohë që të tjerët postuan imazhe të Xbox-it origjinal.

Disa fansa dyshuan që forma V mendohet të qëndrojë për numrin Romak 5, por ekspertë të fushës këmbëngulën që dizajni është i tillë për qarkullim më të mirë të ajrit.

Disa përdorues shprehën shqetësimin se PS5 mund të bëjë shumë zhurmë nëse mban këto freskuese, ndërkohë që të tjerë kishin merak për problemet e mundshme të nxehtësisë që mund të lindin, nëse hardware-i kishte nevojën e freskuesve aq të mëdha.

PlayStation 5 u konfirmua në tetor dhe imazhet e këtij devkit-i kanë konfirmuar dizajnet e bëra leak për të në gusht.