Këto janë lojërat e tetorit për Xbox Games With Gold

Ka ardhur ajo koha sërish që Microsoft të njoftojë lojërat e tetorit për Xbox Games With Gold. Këto konsistojnë në 4 lojëra të ndryshme që abonentët e Xbox Live Gold shkarkojnë dhe luajnë falas çdo muaj.

Për tetorin kemi të bëjmë me Tembo the Badass Elephant, Friday the 13th: The Game, Disney’s Bolt, dhe Ninja Gaiden 3: Razor’s Edge. Me këto lojëra që do të dalin përgjatë muajit, mund të përshkoni çdo zhanër, nga komedia në horror dhe madje, nëse jeni në humor, mund të luani edhe një lojë fëmijesh.

Tembo the Badass Elephant është e para në rradhë. Kemi të bëjmë këtu me një lojë sidescrolling platform me protagonist elefantin, që duhet të kapërcejë pengesat që i vihen para, teksa lufton për çlirimin e Shell City nga një organizatë e ligë e quajtur “Phantom”. Tembo do të jetë e disponueshme përgjatë gjithë muajit tetor.

Pastaj kemi Friday the 13: The Game. Në këtë lojë të stilit Dead by Daylight lojtarët marrin rolet e Jason Voorhees dhe të pushuesve në Camp Crystal Lake, tesa tentojnë të qëndrojnë gjallë ndërkohë që Jason i ndjek nga mbrapa. Loja do të jetë e disponueshme nga 16 tetori deri në 15 nëntor.

E treta pastaj është Bolt, loja e bazuar në filmin aksion të Disney në 2008n, për një qen televiziv që beson se ka superfuqi në jetën reale. Sado që mund të mos jetë në të njejtin intensitet si lojërat e tjera, është prapë një zgjedhje e mirë për gamer-at e vegjël, ose për ata që thjesht duan pak relaks me një lojë të thjeshtë. Bolt do të jetë e disponueshme nga 1 tetori deri në 15 tetor.

E katërta dhe e fundit e lojërave të tetorit është Ninja Gaiden 3: Razor’s Edge, e cila na vendos sërish në vendin e Ryu Hyabusa teksa ai ther demonët në mënyrën më gjakatare të mundshme. Nëse po kërkoni për një lojë të mirë aksion të ngjashme pak me Astral Chain, kjo mund të jetë zgjedhja e duhur. Ninja Gaiden do të jetë e disponueshme përgjatë datave 16 tetor deri në 31 tetor.