Ish zhvilluesi i Rockstar shpjegon pse u soll GTA V remaster në vend të GTA 6

Darion Lowenstein, ish punonjës i Rockstar San Diego, ka shpjeguar se përse në vend të ardhjes së GTA 6 në konsolat e gjeneratës së ardhshme, do të sjellin GTA V Remaster.

Të pakta kanë qenë lojërat që kanë patur anticipimin e GTA 6. Pavarësisht se loja ende nuk është konfirmuar, shumë thashetheme sugjerojnë se ajo është në zhvillim e sipër. Shumë fansa mbetën të hutuar pas zbulimit të GTA V Remater në eventin e PS5.

E lançuar fillimisht për PS3 dhe Xbox 360, loja u bë menjëherë remaster për në PS4 dhe Xbox One. Një remaster i ngjashëm tashmë do të nda shoqërojë edhe në gjeneratat e ardhshme të konsolave, me grafika dhe dizajn të përmirësuar të botës së lojës.

Në mes të gjithë zhgënjimit që i kaploi fansat nga ky njoftim, Darion Lowenstein, një ish punonjës i Rockstar, ka shpjeguar se përse kompania zgjodhi t’i bëjë remaster lojës, në vend që të sillte instalimin e ardhshëm të serive.

“Duke qenë se kam prodhuar dikur lojëra për Rockstar,” filloi ai. “Shumë njerëz po më pyesin se përse në eventin e PS5 u njoftua një version i update-uar i GTA V dhe jo GTA 6?”

Lowenstein shpjegoi se zhvilluesve shpesh herë nuk ju jepet mjaftueshëm kohë që ta zhvillojnë një lojë për një konsolë plotësisht të re, duke thënë se ata mund të dëgjojnë për specifikat e saj teknike, vetëm pak para njoftimit publik të saj.

“Thjesht të duhet më shumë kohë,” vazhdoi ai. “Kostoja e të update-uarit të një lojë që ekziston është shumë më e lirë në krahasim me të bërit të një loje nga e para. Pra nëse do më duhet të hamendësoj, GTA 6 thjesht nuk është gati dhe GTA V është aty për të mundësuar një eksperiencë të këndshme që të gjithë tashmë e shijojnë.”

Sado që Lowenstein nuk punon më te Rockstar, ai është mjaft i kualifikuar. Pas ikjes nga Rockstar, ai ka punuar me Activision Blizzard dhe EA.

Sa i përket GTA 6 pastaj, duket se fansat do të duhet të presin për zhvillimin dhe konfirmimin zyrtar të saj.