Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Megjithatë bateria shkarkohet shumë shpejt
Gjigandi korean i teknologjisë Samsung është i pari prej prodhuesëve të smartphone në botë që ka implementuar mundësinë për të përdorur rrjetin 5G në smartphone-t e tyre flagship. Versione specifike të Samsung Galaxy S10 dhe Galaxy Note 10 suportojnë 5G, duke qënë të parët telefona në botë që e bëjnë këtë gjë. Duke qënë se 5G ende nuk është mjaft e përhapur, pyetja kryesore e kujtdo ka të bëjë me shpejtëinë e këtij rrjeti, e cila duket se është zbuluar pas testimeve të shumëta të bëra.
Arsyeja pse Samsung ka zgjedhur të provojë rrjetin 5G në Galaxy Note 10 dhe S10 është sepse ata kërkojnë që smartphone-t e tyre të kenë çdo specifike high-end në treg tani. Në fund të fundit, një telefon me 5G padyshim që është më i mirë se një telefon pa 5G. Megjithatë, 5G ende nuk është implementuar nga shumë kompani celulare nëpër botë dhe nuk do të implementohet plotësisht tani afër, të kesh një pajisje të tillë në fakt nuk i jep shumë përfitime përdoruesit përveç mundësisë për të parë shpejtësinë fantastike të download në zona që e suportojnë këtë rrjet.
Meqë jemi duke folur për këtë temë, nëse ende keni dyshime se sa i shpejtë është rrjeti 5G, më poshtë mund të gjeni shifrat e sakta. Këto shifra janë padyshim shumë, shumë larg atyre të cilat përdoruesit e zakonshëm të celularëve janë mësuar të përdorin çdo ditë në rrjetin e tyre standart LTE. Këto testime janë bërë në Providence, Rhode Island në Shtete e Bashkuara dhe gjithashtu zbulojnë dhe një prej problemeve më të mëdha të të pasurit të tilla shpejtësi download.
Në 2 teste të ndryshme, Galaxy Note 10 Plus 5G arriti të demonstrojë kapacitetin për të bërë download të dhëna nga interneti me 1,105 dhe 1,634 Mbps. Smartphone ishte i lidhur me rrjetin Verizon mmWave 5g. Megjithatë, këto shpejtësi mund të kapeshin vetëm kur pajisja ndodhej ekzaktësisht poshtë shpërndarësit dhe sinjali binte kur largohej. Gjithashtu, Galaxy Note 10 Plus 5G gjatë testimit humbi plot 60% të baterisë ndërkohë që ishte i lidhur dhe po bënte download në rrjetin 5G.
Kjo rënie baterie është padyshim shqetësuese dhe tregon më së miri se 5G ende nuk është një produkt i përfunduar. Megjithatë, shpejtësitë e demonstruara në këtë testim janë padyshim mbresëlënëse dhe do të transformojnë eksperiencën e çdo përdoruesi të internetit në të ardhmen. Eksperimentimet e hershme të Samsung me 5G në smartphone-t e tyre gjithashtu i jep gjigandit korean eksperiencën e nevojshmë për të përmirësuar pajisjet e tyre 5G dhe për t’i bërë ato gati kur rrjeti të lançohet për publikun e gjërë.
