Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjërat po bëhen më interesante pasi God of War nuk e ka më sloganin ‘Only on PlayStation’ në website-in zyrtar të PlayStation. Kjo i ka bërë fansat të krijojnë teori se ajo do të ndjekë hapat e Horizon Zero Dawn për të kaluar në PC.
Fansat e PlayStation ishin totalisht në protestë për këtë situatë, gati për t’ju sulur Sony dhe platformës së PS. Për një arsye që nuk e dimë, lojtarët e PlayStation nuk bien dakord me kalimin e lojërave ekskluzive të PS në PC. Kur Sony njoftoi se Horizon Zero Dawn do të vinte në PC, një pjesë e mirë e fansave ishin të xhindosur.
Sado që nuk duhet të dalim direkt në konkluzione, pasi ky ishte një detaj fare i vogël, kjo ka qenë e mjaftueshme që të niste një luftë online mes lojtarëve të dy platformave. Lojtarët e PC do të donin që ta kishin God of War në kompjuterat e tyre sepse pse jo dhe ata të PlayStation duket të jenë të acaruar që lojërat e tyre të çmuara mund të kalojnë dhe në duar të të tjerëve.
Probabiliteti më i madh është që Sony të ketë bërë një lapsus, pasi faqja e lojës në Australi ende e ka titullin ‘PlayStation Exclusive’ poshtë emrit të lojës. Sidoqoftë, kur merr në konsideratë se Horizon Zero Dawn dhe Death Stranding do të vijnë të dyja për PC, nuk mund të përjashtosh të njejtën mundësi edhe për God of War. Mbetet të presim dhe të shohim.
