Gameplay i Thor nga Marvel’s Avengers bëhet leak në SDCC

San Diego Comic Con filloi dje dhe një nga pjesët me emocionuese për fansat e lojës së Avengers ishte që, për ata që ishin prezent do të kishte pamje ekskluzive të gameplay-it. Sot, një video e gameplay-it të lojës është bërë leak online.

Fatkeqsisht, videoja në fjalë zgjat vetëm 40 sekonda, por brenda saj kemi Thor në aksion me çekiçin e tij Mjölnir. Çfarë duam më shumë nga jeta apo jo? Thor mund të dëgjohet teksa thotë: “You are not worthy!” përpara se të hidhet në sulm ndaj disa rojeve të armatosura me fuqinë e tij të bubullimës dhe sigurisht Mjölnir.

Reagimi ndaj këtij gameplay kryesisht ka qenë pozitiv nga ana e fansave. Mbi të gjitha ndaj fansave të Thor, që mbeten mjaft të kënaqur me lëvizjet dhe aftësitë e tij.

Krahas kësaj, një tjetër pjesë e mirë e gameplay-it ishin animimet. Sado që video-ja që mund ta gjeni më poshtë është e filmuar nga një person brenda në sallë, duket qartë që grafikat dhe animimet janë të një cilësie të mirë. Lëvizjet e Thorit duket të jenë fluide dhe e vetmja gjë që ndoshta nuk shkon pak, është fakti që armiqtë nuk bëjnë asgjë për të luftuar mbrapsht.

Videoja zgjat aq pak, pasi personit në fjalë i kërkuan të fikte kamerën. E gjithë ideja pra ishte që gameplay të shihej vetëm nga personat që do të ishin prezent fizikisht në San Diego Comic Con. Gjithsesi leaks-at online nuk kanë munguar kurrë në të tilla raste.

Për të zbuluar më shumë rreth Thor do të na duhet të presim deri muajin e ardhshëm. Square Enix dhe Crystal Dynamics kanë njoftuar se pamjet e gameplay-it nga Comic Con 2019 të Marvel’s Avengers do të bëhen publike në gusht.

Krahas Thorit pastaj janë zbuluar edhe ndryshimet e bëra në fytyrën e Black Widow. Mund të themi se imazhi i ri i saj është mjaft ndryshe nga ai i treguari në E3 2019. Duke marrë parasysh se loja është ende në zhvillim e sipër, më shumë ndryshime pritet të vijë në personazhet e lojës.

Në fund të ditës, gjërat po duken më mirë se kurrë për lojën e ardhshme të Avengers. Ky është një lajm i mirë, pasi kur u zbulua fillimisht në E3 2019, loja mori mjaft kritika. Puna që Square Enix ka bërë për të kënaqur pritshmëritë e fansave të Marvel është e dukshme. Në muajt e ardhshëm mund të presim më shumë te reja rreth Marvel’s Avengers.

Marvel’s Avengers do të lançohet në 15 maj të 2020s për PlayStation 4, Xbox One, Google Stadia dhe PC. Është gjithashtu e mundur që loja të lançohet në konsolat e gjeneratës së ardhshme si PlayStation 5 dhe Xbox Scarlett.