Skinet e Black Panther, Captain Marvel dhe Green Arrow bëhen leak në Fortnite

Kemi avancuar mjaftueshëm në Fortnite Season 5. Pikërisht në momentin që kujtuam se e lam pas të gjitha kapitullin e Marvel, vjen një leak që na vërteton të kundërtën. Shumë dataminers kanë zbuluar skinet e Black Panther, Captain Marvel, Green Arrow, Taskmaster dhe me shumë mundësi edhe të tjerë.

ShiinaBR dhe Guille u drejtuan në Twitter për t’i postuar këto.

Sipas ShiinaBR, të gjitha skinet e Marvel do të përfshihen në një paketim të quajtur: “Marvel: Royalty and Warriors Pack.” Paketa do të shoqërohet nga një tekst që thotë: “Warriors can be formed for any reason, whether it be a king’s responsibility, a soldier’s duty or a hired gun’s price.”

Gjithashtu është e qartë se përse Epic vendosi ta sjellë tani skinin e Black Panther. Pas ndarjes nga jeta të Chadwick Boseman gushtin që lamë pas, sezoni i katërt i lojës do të ishte shumë herët për ta lançuar.

Është ende e paqartë se sa do të kushtojë paketa që ka skinet në fjalë. Gjasat janë që këto skine do të mund të blihen edhe individualisht, por mbetet të presim zyrtarisht për njoftimin e Epic, që ta dimë me siguri.