Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
EA po shton mënyra të tjera për të monetizuar Ultimate Team
FIFA Ultimate Team ka qënë prej kohësh një prej aspekteve që ka krijuar më shumë polemika në lojëra për sa i përket pakove të kartave, por njëkohësisht dhe aspekti më fitimprurës për EA Sports. Ultimate Team padyshim që do të rikthehet në FIFA 20, por duket se EA ka planifikuar të shtojë në lojë disa veçori të reja të cilat duken se janë inspiruar nga sistemi i battle pass në lojëra si Fortnite dhe Apex Legends.
Objektivat sezonalë do t’ju vendosin qëllime të cilat duhet t’i plotësoni për të rritur renditjen tuaj personale, e cila do t’ju japë shpërblime kur ju kaloni një nivel. Sezonet do të zgjasin nga 6 deri në 8 javë dhe disa prej shpërblimeve janë lojtarë dhe pako kur ju kaloni nivele pas plotësimit të objektivave ditorë, javorë, sezonalë dhe dinamikë.
Secili prej këtyre objektivave do t’ju ofrojë nivele të ndryshme sfidash në çdo rast. Gjithashtu, do të ketë dhe nivele Milestones, të cilat janë të ndryshme nga progresioni sezonal dhe ju kërkojnë juve të plotësoni misione më afatgjata të cilat kërkojnë javë ose muaj për t’u plotësuar. Duket qartë se qëllimi i EA është të shtojë më shumë progresion në lojë dhe t’i mbajë lojtarët sa më të mbërthyer pas saj.
Edhe pse battle pass-i i parë i Apex Legends nuk u prit aspak mirë nga lojtarët, duket se ata po përgjigjen më pozitivisht ndaj battle pass të Season 2. Kjo përgjigje duket se ka shtyrë EA të implementojë një sistem të ngjashëm në lojën e tyre më fitimprurëse.
Ende nuk dihet nëse për të pasur akses në këto objektiva duhet të blesh diçka ekstra dhe se sa do të kushtojë ajo, por gjithçka do të zbulohet kur FIFA 20 të lançohet në 27 shtator për Playstation 4, Xbox One, PC dhe Nintendo Switch.
