Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Nuk do të pranojmë lojëra kot.”
Lufta më e re në industrinë e gaming është ajo me Epic Games Store VS Steam dhe me çfarë po shohim, gjërat mund të degradojnë nga momenti në moment.
Për vite me rradhë Steam ka qenë në një situatë ku çfarëdo që bënte me lojërat që donin të futeshin në platformë, pra pranimi ose refuzimi i tyre, do të quhej e gabuar. Në fillim ishte Steam ai që i merrte vendimet se cilat lojëra do të futeshin në të . Me kalimin e kohës kjo gjë ndryshoi, falë Steam Greenlight, që tani as nuk është më funksionale. Për momentin nëse paguan një tarifë të caktuar, mund të fusësh çfarëdolloj loje në storefront-in e dyqanit. Gjithsesi herë pas here Steam prapë e tregon fuqinë e tij duke hequr ndonjë lojë nga listimet për kontradita që ajo mund të ketë sjellë.
Gjatë viteve të fundit, Steam nuk është se ka ndërhyrë shumë, duke lejuar lloj lloj lojërash të futen në platformë. Qofshin këto të paligjshme, të neveritshme ose kundër të drejtave themelore bazë të njeriut. Si rezultat së bashku me Steam vjen edhe reputacioni që 95% e storefront-it të tij është kot.
Nga ana tjetër e monedhës kemi Epic Games Store që avash avash po rritet dita ditës. Në një pikë të caktuar edhe ai do që të zgjerohet në përmbajtjen e tij, por kjo nuk do të thotë se do të ndjeki praktikat e Steam.
Së fundi CEO i Epic, Tim Sweeney u pyet se çfarë hapash do të ndjekë kompania rreth kësaj çështjeje. Ai u përgjigj:
“Do të kemi një standart që nuk do të pranojmë lojëra kot më kot. Do të pranojmë lojëra që arsyetohen si të mira. Shkalla e tyre nuk ka shumë rëndësi. Nuk është e thënë nëse janë lojëra AAA ose lojëra që vijnë nga vende të vogla, boll të plotësohet kushti i sipërpërmendur. Një film R-rated ose një lojë M-rated është në rregull, por Epic nuk ka ndërmend të pranojë lojëra pornografike ose bloatware ose çfarëdolloj gjëje që mund të shokojë lojtarët tanë. Në fund të ditës PC është një platformë shumë e hapur dhe edhe nëse nuk e gjeni atë që doni drejtpërsëdrejti te ne, mund gjitmonë të viheni në kontakt me mënyra të tjera. ” U shpreh Sweeney.
Për ata që nuk e dinë, krahas së paturit lojërat më fantastike për PC, Steam njihet edhe për përmbajtie pornografike dhe lojëra praktikisht të tmerrshme. Në deklaratën e tij Tim Sweeney nuk i referohet drejtpërsëdrejti Steam, por është e dukshme që i drejtohet atij në një mënyrë indirekte.
Sweeney nuk tha detaje se si do e organizojnë storefront-in e Epic, por tha se do të ketë njerëz specifikë që do të gjykojnë përmbajtien që vjen në të.
