Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
As ne spo iu besojmë veshëve.
Epic Games fiton një tjetër betejë me rivalin e tij Steam, duke njoftuar se Dota 3 do të lançohet ekskluzivisht në Epic Store këtë vit. Fansat u emocionuan jashtëzakonisht shumë kur zbuluan se Valve do të bënte një lojë të tretë për seritë, por tani që kjo lojë do të jetë ekskluzive e Epic, ëmmm… jemi pak të hutuar.
Gabe Newell, nga Valve Software dha i inatosur një konferencë për shtyp, duke akuzuar zhvilluesit e Dota 3 që i kanë marrë paratë e “pre-order” kur mbrapa krahëve po thurnin plane për një marrveshje ekskluziviteti me rivalët. Me tension të madh ai u shpreh: “Nuk është gjë e mirë për industrinë. E mira është që çdo lojë të publikohet në Steam në mënyrë konstante deri në mbylljen serisë së saj, mbi të gjitha lojërat tona.”
Ai konstatoi se arsyeja pse u drejtuan te Epic ishte se në Steam platforma do të merrte më shumë para nga loja.
“Unë e kuptoj se mund të mos jetë shumë me leverdi për ca njerëz që të instalojmë një lançues tjetër,” ka thënë një inxhinier network-u për Dota 3, “por ja që mua më leverdis më shumë të marr ca para shtesë.”
Këtë nuk e priste njeri duhet ta pranojmë. Nga ana teknike nuk është se di as kujt ti japësh të drejtë, pasi zhvilluesit fundja kanë punuar fort dhe meritojnë të marrin përqindjen maksimale të punës së tyre, por e gjithë kjo situata vjen në dëm të vetë fansave të lojës dhe e gjithë ideja që ti e nis një projekt të tillë që në fillim, është për përdoruesit e tu. Kjo situatë del kundra vetë personave për të cilët është krijuar loja.
Çfarë mund të themi, në një industri kaq fitimprurëse sa ajo e gaming, duhet të jemi të pregatitur të përballemi me ç’do lloj situate. Oh dhe meqë ra fjala.., GËZUAR 1 PRILLIN!
