Destiny 3 do të jetë më i vështirë se lojërat e para dhe do të vijë në PS5 dhe Xbox Scarlett

Loja mendohet se do të jetë më e vështirë se 2 dhe 1

Destiny 2 u lançua rreth dy vite më parë dhe ende po i bëjnë support sado që nuk ka kontent të ri. Në të njejtën kohë Destiny 3 është në zhvillim e siper dhe mendohet të lançohet së shpejti.

Një leaker i njohur i lojës Destiny, AnonTheNine, së fundmi ka dhënë disa informacione rreth Destiny 3. Sipas tij loja do të jetë shumë më e vështirë se paraardhëset e saj dhe se do i drejtohet kryesisht audiencës që është jashtëzakonisht e dhënë pas Destiny. Siç duket loja do të publikohet vitin tjetër në PlayStation 5 dhe Xbox Scarlett, por është ende e paqartë nëse do të jetë cros-gen.

“Qëllimi i Destiny 3 do të jetë të targetojë audiencën hardcore më shumë se kushdo tjetër. Kjo lojë supozohet të jetë më e vështirë se paraardhëset e saj. Destiny 3 gjithashtu do të ketë më shumë elementë RPG në përqasjen e tij ndaj dizajnit krahasuar me dy lojërat e më parëshme.”

Këto janë të gjitha vendime të marra në stadet e hershme të zhvillimit dhe kur të vijë puna te lançimi përfundimtar mund të ndryshojnë. Gjithsesi ajo pjesa e PS5 ishte shumë e lezetshme në ligjëratën e tij. Si gjithmonë me raste të tilla nuk duhet të nxitojmë të dalim në përfundime, por të presim që me kohën faktet të dalin vetë në sipërfaqie.

Destiny 2 është i disponueshëm për PC, PS4 dhe Xbox One, ndaj kënaquni me të sa të vijë ky i treti.